web counter
LEXO PA REKLAMA!

SHKARKO APP

App Store
Google Play

Kukësi e kërkon me ngulm, por Ilir Daja i ka thënë "Po" Partizianit

22 Korrik 2020, 06:39, Sport CNA

Një pjesë e mirë e skuadrave elitare në futbollin shqiptar pritet që të përfshihen nga ndryshime të mëdha, duke nisur nga stafi teknik. Trajneri aktual i Skënderbeut, Ilir Daja, është më i lakmuari, ku disa skuadra, mes tyre edhe Tirana dhe Partizani, e tentuan në janar, por 53- vjeçari vendosi të mbetet në Korçë. Merkatoja e verës e ka zgjeruar kërkesën për trajnerin kryeqytetas. Kukësi nuk heq dorë lehtë nga Ilir Daja.

Burime të besueshme të ?Panorama Sport? pranë kampit kuksian konfirmojnë se gjatë dy ditëve të fundit kanë pasur kontakte me teknikun e Skënderbeut, duke i bërë të ditur se nëse ende nuk ka vendosur se ku do të trajnojë sezonin e ardhshëm, atëherë mund të ulen të bisedojnë. Por, në konfidencë ai u ka pohuar se ka rënë parimisht dakord për të vijuar diku tjetër, duke lënë të kuptohet për të kuqtë e kryeqytetit.

Kështu, edhe pse Daja duket gjithnjë e më pranë Partizanit (flitet se ia ka dhënë fjalën nëse Skënderbeu do të vuajë dënimin ende në Europë), Kukësi nuk i ka humbur shpresat dhe po përpiqet ta joshë për ta afruar në skuadër dhe duke ia besuar çelësat e pankinës. Duket se kjo verë do të jetë e nxehtë edhe sa i përket stolit, sepse është vetë Gjici, ai që preferon Dajën në pankinë, duke i besuar fillimisht Europën dhe më pas sezonin. Megjithatë, përpos dëshirës duket një mision i vështirë që tekniku kryeqytetas i korçarëve të bashkohet me verilindorët, edhe pse në futboll asnjëherë nuk thuhet kurrë.

Ajo që e bën më të vështirë këtë kalim, është fakti se Daja ka rënë parimisht dakord me Partizanin, madje ai u ka dhënë drejtuesve të kuq edhe listën e lojtarëve që dëshiron të ketë te ?demat?. Gjithsesi, dënimi i dhënë së fundmi nga FIFA, me bllokimin e merkatos në hyrje për një vit, e ka turbulluar disi kampin e kuq. Nëse ky pezullim nuk hiqet sipas pritshmërive të drejtuesve të Partizanit, i bie që të vihet në dyshim edhe afrimi i trajnerit Ilir Daja.





Lajmet e fundit nga