web counter
LEXO PA REKLAMA!

SHKARKO APP

App Store
Google Play

E fundit!

x

Refik Halili pret dhurata nga Vllaznia, ja deklarata e presidentit të Tiranës

19 Korrik 2020, 10:33, Sport CNA

Tirana fitoi në ditën e djeshme përballë Flamurtarit me rezultatin e pastër 2-0 dhe hedh një hap më shumë drejt titullit numër 25. Ëndrra e bardhebluve pas 11 viteve po bëhet realitet e tashmë në dy ndeshjet e mbetura kryeqytetasve iu mjaftojnë të marrin tre pikë. Mirëpo, titulli mund të festohet edhe sot, në rast se Vllaznia fiton ndaj Kukësit. Mbi këtë presidenti i Tiranës, Refik Halili shprehet se kush është ai që nuk pret dhurata. Ndërkohë, në intervistën për Abc News pas ndeshjes, Halili shtoi se i bëhet qejfi që në formacion të parë të jenë katër futbollistë nga academia.

Tirana tashmë mund te festojë? ?Ju e patë vetë që çdo ndeshje është shumë e rëndësishme, e patë se çfarë bëhet, ndaj duhet të jemi të kujdesshëm deri kur të shkojmë aty ku duhet të shkojmë, pra të marrim pikët që na duhen. Në përgjithësi jam i kënaqur. Gjatë këtyre ndeshjeve kemi pasur mungesa. Shpresoj që në Laç ta kemi ekipin e plotë dhe t?ia dalim me sukses?.

Golat e shënuar nga lojtarët e akademisë, Muçi e Ismailgeci- ?Të gjithë i duan lojtarët e rinj. Unë e kam thënë shumë kohë përpara, që kam shumë qejf që gjithmonë në formacion të jenë katër lojtarë të akademisë, të rinj. Them se ajo po bëhet realitet, po shkojmë drejt asaj rruge. Shpresoj që ata t?i japin trajnerit rendimentin që pritet dhe që më pas ai t?i shfrytëzojë dhe të bëjë më të mirën për skuadrën?.

Dhuratë nga Vllaznia- ?Kush është ai që nuk i pret dhuratat? ?Kështu që shpresojmë që ne të marrim pikët që na duhen për të shkuar drejt titullit dhe për të gëzuar pas kaq vitesh. Le të presim e të shohim se çfarë do të ndodhë në Shkodër?, u shpreh Halili.





Lajmet e fundit nga