web counter
LEXO PA REKLAMA!

SHKARKO APP

App Store
Google Play

E fundit!

x

Çështja e “Shën Sofisë”/ Kryepiskopi Anastas Janullatos: Fyerje ndaj Krishterimit dhe Islamit

18 Korrik 2020, 12:40, Sociale CNA

Fortlumturia e Tij, Kryepiskopi Anastas Janullatos e ka cilësuar si fyerje vendimin e Presidentit të Turqisë Rexhep Tayyib Erdogan, për rikthimin e faljeve në kishën e ?Shën Sofisë? në Stamboll.

Në një prononcim për ?Ta Nea?, Kryepiskopi Anastas Janullatos e ka cilësuar vendimin e Erdogan si një fyerje që i bëhet si Krishterimit ashtu dhe Islamit.

?Vendimi i pakthyeshëm i Turqisë rreth Shën Sofisë nuk është vetëm një lloj ?xhihadi? (luftë e shenjtë) kulturor, veçanërisht sot kur çdo lloj xhihadisti dënohet ndërkombëtarisht nga të gjithë, por është një fyerje si ndaj Krishterimit ashtu dhe ndaj Islamit.
Bënë xhami kishën e mrekullueshme të Krishterimit të pandarë dhe po përpiqen të mbulojnë fytyrën e saj shumë të bukur dhe të zhvlerësojnë ikonat e mrekullueshme të saj, sytë e saj shprehës.
Për më tepër, po përurojnë edhe një lloj xhamie krejt të pazakontë për Islamin klasik, me ikona të krishtera të mbuluara, të cilat brenda ?heshtjes elokuente? të tyre, nuk reshtin së dëshmuari të vërtetën e krishterë. Nuk e di nëse ka ndonjë vend islamik lutjeje të ngjashëm në botë.
Intrasigjenca e autoriteteve turke nënvizon atë që theksojmë gjatë dhjetëvjeçarëve të fundit: Dhuna në emër të fesë dhunon shenjtërinë e vetë fesë. Dhe askush, sado i fuqishëm dhe i madh të mendojë se është, nuk ka të drejtë ta përbuzë këtë të vërtetë mbarënjerëzore.?-thuhet në deklaratë.

Kujtojmë këtu se Fortlumturia e Tij, Kryepiskopi i Tiranës, Durrësit dhe i Gjithë Shqipërisë, Anastasi, është anëtar nderi i Akademisë së Athinës, Profesor Emeritus i Historisë i Universitetit Kombëtar Kapodistrian të Athinës dhe President Nderi i ?Konferencës Botërore të Feve për Paqe?.





Lajmet e fundit nga