web counter
LEXO PA REKLAMA!

SHKARKO APP

App Store
Google Play

E fundit!

x

Teatri Kombëtar/ Aleanca depoziton në SPAK 6 akuza, Budina: I kemi të gjitha të filmuara

16 Korrik 2020, 17:17, Politikë CNA

Aleanca për Mbrojtjen e Teatrit Kombëtar ka depozituar sot në SPAK 6 akuza për shembjen e godinës së Teatrit Kombëtar.

Regjisori Robert Budina, tha se ata kanë dokumentuar çdo gjë, ndërsa tregoi se kërkesën që dorëzuan në SPAK, ia kanë dërguar edhe ambasadorit të BE-së në Tiranë Soreca dhe ambasadores së SHBA në Tiranë Yuri Kim.

Ai deklaroi në Fax News se i duket shumë i çuditshëm reagimi i Sorecës, pasi pretendon se është shumë i vakët.

?Sot ishim për të dorëzuar një kërkesë e cila iu drejtua SPAK-ut dhe ambasadorit të BE-së Soreca dhe ambasadores Yuri Kim. Dihet investimi i këtyre partnerëve ndërkombëtarë për reformën në drejtësi, rreth 100 milionë euro, ndaj ne e shohim të arsyeshme që çështja e teatrit të jetë një pikënisje e mirë për Reformën në Drejtësi.

Gjithsej ne kemi bërë 6 kallëzime në SPAK, ku e vetmja përgjigje që kemi marrë është një letër që thotë se dy kallëzimet e para janë bashkuar në 1 dhe hetimet po vazhdojnë akoma. Çfarë bënin forcat Renea atë natë në teatër? Pse na u drejtuan armët? Ne i kemi të gjitha të filmuara, nuk e kuptoj pse nuk vepron Prokuroria e Posaçme.

Vetëm dy ambasadorë reaguan, ai gjerman dhe ai anglez, ndërsa është shumë e çuditshme mosreagimi i ambasadorit të Bashkimit Europian, i cili bëri thjesht një deklaratë të vakët. Kë do hetojnë prokurorët nëse nuk hetojnë një ngjarje të tillë ku ne kemi goditur me dokumenta korrupsionin galopant të qeverisë?, u shpreh Budina./ CNA.al





Lajmet e fundit nga