web counter
LEXO PA REKLAMA!

SHKARKO APP

App Store
Google Play

Fakti/ Drejtorët e Top Channel, drejtorë të rilindjes

8 Korrik 2020, 14:43, Politikë CNA

Top- Channel, nuk i ndahet dot përkatësisë politike të qartë, kjo jo vetëm sot kur ky TV drejtohet nga Ben Blushi një ish-ministër dhe ish-deputet i Rilindjes, por edhe dje kur Rilindja ishte në opozitë me emrin Partia Socialiste.

Emrat kryesorë të këtij televizioni kombëtar të pavarur sot janë në poste kyçe të administratës Rama.

Enkelejd Joti, ish-drejtor i TCH, për shumë vite sot është drejtor i QSUT, institucionit shëndetësor më të rëndësishëm në vend. Ai ka pasur një rol të rëndësishëm jo vetëm menaxherial në Top Channel, është nga njerëzit e parë që u largua pas ardhjes në drejtim të Vjollca Hoxhës.

Skerdi Drenova, ish-nën drejtor i përgjishëm dhe drejtor teknik i TCH, aktualitsh drejtor i OST, një nga kompanitë publike më të mëdha në Shqipëri. Më parë ai ka qenë drejtor në bashkinë e Tiranës.

Bledar Zaganjori, ish-Drejtor i informacionit në Top Channel dhe kryeredaktor për shumë vite aktualisht është drejtor i informacionit në TVSH, media e vetme publike në Shqipëri.

Janë me dhjetëra gazetarë, teknikë, drejtues në pozicione marketing apo menaxhimi që braktisën Top Channel me përfundimin e epokës Dritan Hoxha dhe kanë kaluar në pozicione të rëndësishme shtetërore por edhe në kompani private.

Pas largimit të disa prej emrave kryesorë që ngritën dikur emrin e lavdishëm Top Channel, tani një politikan ka marrë drejtimin e kësaj media, duke i ngatërruar disi gjërat rrugës. Median më opozitare në vend tashmë e ka kthyer në një lodër për interesa personale dhe krejtësisht klienteliste./CNA.al





Lajmet e fundit nga