web counter
LEXO PA REKLAMA!

SHKARKO APP

App Store
Google Play

Meta kujton dëshmorët e Batalionit “Atlantiku”/ Të zbardhet vrasja monstruoze

8 Korrik 2020, 07:52, Politikë CNA

Presidenti Ilir Meta ka kujtuar tre dëshmorë të luftës së Kosovës, të Batalionit ?Atlantiku?.

Në një postim në rrjetet sociale, Meta kujton vëllezërit Agron, Mehmet dhe Ylli Bytyçi, për të cilët thotë se meritojnë veç respekt e mirënjohje, ashtu si çdo luftëtar i UCK-së që dha jetën për çlirimin e Kosovës.

Nga ana tjetër, Presidenti kërkon të mos zvarritet drejtësia dhe të zbardhet vrasja e tyre monstruoze.

?Çdo 8 korrik, kombi shqiptar nderon me respekt e mirënjohje kujtimin, veprën dhe sakrificën sublime të Dëshmorëve të Batalionit ?Atlantiku?, vëllezërve Agron, Mehmet dhe Ylli Bytyçi, nderin e historisë së lavdishme të Ushtrisë Çlirimtare të Kosovës dhe krenarinë e komunitetit shqiptaro-amerikan.
Ndonëse kanë kaluar 21 vite nga vrasja e pabesë e tyre, fatkeqësisht ende nuk ka përparim për ndriçimin e këtij krimi monstruoz! Vënia e drejtësisë pa pengesa dhe zvarritje do të lehtësojë jo vetëm dhimbjen e madhe të familjes së dashur Bytyçi, por do të japë një kontribut të çmuar për më shumë paqe, siguri dhe demokraci në rajonin tonë.

Vëllezërit Bytyçi me shembullin e jashtëzakonshëm të sakrifikimit më sublim në emër të atdhedashurisë dhe idealeve më të larta njerëzore, që sollën Kosovën e lirë e të pavarur, do t?i frymëzojnë dhe edukojnë përherë gjeneratat e reja. Sepse liria dhe pavarësia nuk janë të dhëna një herë e përgjithmonë.

Mirënjohje diasporës sonë në SHBA për kontributin e shkëlqyer të dhënë për çlirimin e Kosovës dhe për çështjen shqiptare ndër dekada, duke ndërtuar ura bashkëpunimi mes dy popujve dhe vendeve tona, për ruajtjen e traditave dhe zhvillimin e lidhjeve të forta që ekzistojnë mes amerikanëve dhe shqiptarëve.

Lavdi të përjetshme Dëshmorëve të luftës heroike të popullit të Kosovës, si dhe të mbarë kombit tonë!?-shkruan Meta.





Lajmet e fundit nga