web counter
LEXO PA REKLAMA!

SHKARKO APP

App Store
Google Play

E fundit!

x

Transportonin emigrantë të paligjshëm kundrejt shpërblimit/ Arrestohen 3 persona në Korçë

5 Korrik 2020, 07:59, Kronika CNA

Policia e Korçës ka goditur dy raste të dhënies së ndihmës shtetasve të huaj për kalim të paligjshëm të kufirit, kundrejt shpërblimit, në sajë të operacionit të koduar “Perimetri”.

Blutë kanë vënë në pranga 3 persona, të cilët u kapën duke transportuar kundrejt fitimit 14 emigrantë të paligjshëm.

Konkretisht janë arrestuar shtetasit me iniciale O. B., 32 vjeç, banues në Farkë, Tiranë dhe A. M., 27 vjeç, banues në Zëmblak, Maliq, pasi këta shtetas janë kapur në vendin e quajtur “Lumi i Vërdovës” në Pogradec, duke transportuar në bashkëpunim me njëri-tjetrin me mjetet tip “Suzuki” dhe “Benz” në drejtim të Tiranës, 5 emigrantë të paligjshëm, të cilëve kundrejt fitimit iu kishin premtuar kalimin drejt vendeve të BE-së.

Gjithashtu është kapur në unazën e qytetit të Pogradecit i riu me iniciale E.G., 27 vjeç, banues në Krujë, pasi po transportonte në drejtim të Tiranës me mjetin tip “Mitsubishi”, 9 emigrantë të paligjshëm, të cilëve kundrejt shpërblimit prej 100 euro secilit, iu kishte premtuar kalimin drejt vendeve të BE-së.

Ndërkaq, materialet në ngarkim të tyre i kaluan Prokurorisë pranë Gjykatës së Rrethit Gjyqësor Pogradec për veprën penale “Ndihma për kalim të paligjshëm të kufijve”./ CNA.al





Lajmet e fundit nga