web counter
LEXO PA REKLAMA!

SHKARKO APP

App Store
Google Play

Kontrolle me radarë dhe alkoolteste në Tiranë/ Policia bën “namin” me arrestime dhe heqje patentash

4 Korrik 2020, 07:18, Kronika CNA

Patrullat e policisë, po aplikojnë forma të ndryshme kontrolli duke përdorur të gjitha mjetet teknike për matjen e shpejtësisë dhe nivelin e alkoolit tek drejtuesit e mjeteve.

Në aksin Tiranë_Durrës_Tiranë & Sauk-Teg-Kashar janë kryer kontrolle me radar ku është konstatuar shpejtësi tej normave të lejuara nga 137 deri ne 152 km/h në orët kur fluksi i mjeteve vijon të jetë ende i lartë.

Për 4 orë kontroll me radar u pezulluan 12 Leje Drejtimi për shpejtësi nga 137 km/h deri ne 152 km/h. Ndërsa gjatë 24 orëve të fundit në të gjithë vendin gjatë monitorimit me radar të rrugëve urbane dhe interurbane, nga ana e Policisë Rrugore janë pezulluar 103 Leje Drejtimi për shpejtësi që varionte deri në 170 km/h.

Ndërkohë deri tani gjatë kontrolleve duke përdorur alkooltestin, në të gjithë vendin janë arrestuar 7 drejtues mjetesh që drejtonin mjetin në gjendje të dehur.

Një kombinim sa i frikshëm aq dhe i rrezikshëm për sigurinë rrugore dhe atë publike, një automjet qe drejtohet nga drejtues nën efektin e alkoolit dhe më keq akoma në gjendje të dehur apo me shpejtësi mbi normat e lejuara deri në dyfishin e limit që lejon tabela është një rrezik potencial për jetën e drejtuesit të mjetit dhe këdo që përdor rrugën./CNA.al





Lajmet e fundit nga