Tronditëse/ Dëshmitarja e Jehovait kishte ndërruar jetë 5 muaj më parë, e lyenin me vaj e uthull që mos mbante erë

2 Korrik 2020, 20:54, Kronika CNA

Detaje tronditëse janë zbuluar nga ngjarja që ka ndodhur pasditen e sotme në Tiranë, ku u gjetën nënë e bijë të pajeta dhe vajza tjetër e familjes në gjendje të rëndë.

Vktimat ishin Zhaneta dhe Anisa Josifi, ndërsa vajza tjetër B.Josifi ndodhet në gjendje të rëndë shëndetësore në spital.

Gazetarja e kronikës, Dorjana Bezat raportoi për BW se Anisa Josifi kishte ndërruar jetë para 5 muajsh dhe mbahej nga nëna dhe motra në shtëpi me besimin se do të ringjallej.

“Grupi hetimor ka nxjerrë detaje të reja tronditëse në lidhje me ngjarjen e bërë publike mbrëmjen e sotme në zonën e Kombinatit. Dyshohet se 33-vjeçarja dyshohet të ketë ndërruar jetë 5 muaj më parë dhe mbahej në banes prej 5 muajsh. Për trupin e saj kujdesej nëna dhe motra. Fqinjët dhe të afërmit e tjerë thonë se kishin muaj pa kontaktuar me vajzën e saj, dhe nëna apo motra tjetër thoshin se ishte në gjumë ose në punë?, u shpreh ajo.

Më tej, gazetarja deklaroi se nëna kishte përdorur vaj, uthull dhe produkte të tjera të lëngshme që trupi të mos mbante erë.

?Policia ka gjetur brenda banesës enë me përbërje të ndryshme dhe me vaj që e përdornin për të lyer trupin e viktimës që të mos dekompozohej. Këto konstatime u bënë dhe nga ekspertët ligjorë. Për të nxjerrë kohën ekzakte të vdekjes së saj do duhet edhe një kohë më e gjatë. Në trupin e viktimës janë gjetur shenja vaji që e përdorte nëna me motrën tjetër për të mos u dekompozuar trupi dhe për të mos ardhur erë të keqe. Trupi ishte mbështjellë me shtroje dhe mbulesa të shumta?, theksoi ajo.

Bezat tregoi më tej se policia kishte qenë edhe më parë në familjen Josifi sepse fqinjët i kishin lajmëruar për shkak se nuk pranonin të dilnin nga banesa.

?Në informacionet e fundit Policia ka qenë tre javë më parë në familjen Josifi sepse kanë pasur informacione se nëna dhe dy vajzat nuk dilnin nga shtëpia. Policia ka marrë kontakte me to, edhe familjarët kanë marrë kontakt me to. Por ato nuk dilnin, flisnin vetëm nga dera dhe nxirrnin justifikim se nuk dilnin nga shtëpia apo nuk shkonin në punë për shkak të koronavirusi?, nënvizoi gazetarja./ CNA.al