web counter
LEXO PA REKLAMA!

SHKARKO APP

App Store
Google Play

Vrasja e Billës/ Lala: Sapo të ikte nga Shqipëria do fejohej me të dashurën marokene, u kthye për...

3 Korrik 2020, 13:49, Kronika CNA

Gazetarja e kronikës Klodiana Lala, ka treguar të tjera detaje për vrasjen e Hekuran Billës, i cili sapo ishte kthyer në Shqipëri nga Belgjika.

Lala tha se për vrasjen e tij është përdorur si karrem një vajzë.

Ajo tregoi se Billa, i cili ishte me precedentë penalë, kishte ardhur në Shqipëri për të hequr firmën si administrator në bizneset që kishte në vendin tonë dhe më pas do të ikte përgjithmonë.

Gazetarja deklaroi në studion e News 24, se pas largimit për në Belgjikë, Billa do të fejohej me të dashurë e tij marokene.

?Nuk është për t?u habitur, njerëz të cilët ruheshin siç ishte Hekuran Billa, që kishte kryer një vrasje, kishte kryer një pjesë të dënimit. Duke qenë se mes Billës dhe familjes së Prel Markut nuk ishte arritur pajtimi, përdoren femrat si karrem. Nuk ka ndodhur vetëm këtë radhë, por ndër vite, kur u vra Marsel Sotiri në Durrës. Përdoren dhe femra me titullin e ?Miss? se konsiderohet si mënyra më e lehtë.

Hekuran Billa do të ishte gjallë po të ishte në burg. Vendimi skandaloz e liroi me 5 vite për kusht. U lirua se kishte familjarët e sëmurë, me kusht që të punonte në një postë ndërkohë që kishte biznese. Këto vendime po shkaktojë vrasjet. Billa duhet të kryente dënim prej 25 vitesh, gjë që nuk ka ndodhur, dhe ai është kthyer nga Belgjika. Madje aty kishte dhe një partnere marokene që do fejohej. U kthye nga Belgjika nëpërmjet Kosovës, dhe kishte ardhur si një ardhje për të hequr firmën nga administrator në bizneset dhe për të ikur përgjithmonë.

Pastaj, vajza karrem ka pranuar që ka pasur lidhje intime me Sebastian Malin. Nisi komunikimi dhe filloi lidhja intime me 2019. Refuzon të jetë paguar për të nxjerrë në pritë Hekuran Billën. Unë jam e prirur mos i besoj dëshmi të tilla, pasi ka përgjime ambientale që flasin kundër dëshmisë, alibisë së vajzës dhe Sebastian Malit?, tha Lala.





Lajmet e fundit nga