web counter
LEXO PA REKLAMA!

SHKARKO APP

App Store
Google Play

E fundit!

x

Me shpejtësi skëterrë në rrugën Sauk-Teg/ Ndëshkohen 8 shoferë, policia: Mos fluturoni

5 Korrik 2020, 06:55, Kronika CNA

Edhe pse rruga monitorohet me radar e patrullime të shpeshta të Policisë, përsëri në aksin rrugor Sauk-Teg ka drejtues mjetesh që abuzojnë me shpejtësinë.

Vetëm gjatë orëve të mbrëmjes e deri në orën 00.30 të mëngjesit të sotëm, në këtë segment rrugor janë evidentuar dhe ndëshkuar me tërheqje të Lejes së Drejtimit, 8 drejtues mjetesh të cilët brenda 10 ditëve do të paraqiten në OASH, pasi drejtonin mjetet me shpejtësi që varionte nga 154 km/h deri në 169 km/h. Shpejtësi kjo kur rruga ishte me lagështirë dhe fluksi i lëvizjes ishte akoma i lartë, duke rritur rrezikun për përfshirje në aksident rrugor.

Blutë i bëjnë thirrje drejtuesve të mjeteve të shijojnë fundjavën por të mos fluturojnë të arrijnë aksidentin apo të dorëzojnë patentën.

Ata theksojnë se qëllimi i Policisë Rrugore nuk është as gjoba, as heqja e patenës, është vetëm dhe vetëm siguria e jetës në rrugë, rritja e parametrave të sigurisë së jetës në rrugë.

Gjithashtu policia bën apel që drejtuesit e mjeteve të respektojnë rregullat e qarkullimit rrugor, në mënyrë që destinacioni të jetë i sigurt dhe të shkojnë bashkë me patentën tek familja./ CNA.al

Copy to Clipboard





Lajmet e fundit nga