E fundit!

17:50 Politikë

“Rama trajton turizmin si real estate”/ Këlliçi: Po u fal tokat e fermerëve biznesit të 5D

Deputeti i PD-së Belind Këlliçi ka hedhur akuza ndaj kryem...

Rruga Milot-Fier një aferë korruptive me fitues të paravendosur

1 Korrik 2020, 11:12, Politikë CNA

Sot, ministrja e Infrastukturës Belinda Balluku, në një konferencë për mediat theksoi se qeveria do të hapte garën për segmenin rrugor Milot-Fier, pjesë e segmentit Adriatiko-Jonian, për të cilin tha se ishte rreth 115 kilometra, do të kushtonte rreth 0.75 euro për kilometër dhe në këtë investim, gati gjysma e rrugës që do të përshkruhej ishte aksi Rrogozhinë-Fier i cili do të rehabilitohej, do të kishte rrugë sekondare dhe mbikalime dhe nga ana tjetër do të ndërtoheshin edhe disa segmente të përfolura më parë për tu dhënë më koncesion të cilat janë përfshirë në këtë segment siç është aksi Milot-Rrogozhinë ku përfshihet dhe rruga Kashar-Rrogozhnë dhe Milot-Kashar.

Ministrja ka thënë dhe vlerën e cila është 1.2 miliardë euro dhe ka shpallur publikisht garën ndërkombëtare.

Në fakt, paralajmërimin e këtij koncesioni e ka bërë gazetari Klodian Tomorri dy ditë më parë i cili ka shkruar dhe raportuar në lidhje me këtë segement si një bëmë dhe gjëmë tjetër e qeverisë Rama në infrastukturë dhe koncesionet apo PPP-të e saj. Sipas Tomorrit projekti i rrugës Milot- Fier është ?gjylja e fundit? e premtimeve bombastike në infrastrukturë pas ëndrrave 3D të tuneleve, që nuk u dihet akoma kosto financiare e mjedisore dhe atyre për hidrocentralin madhështor të Skavicës. (Lexo këtu)

Vlera e rrugës duket të jetë shumë e lartë nga realiteti i disa koncesioneve të mëparshme të cilat janë anuluar dhe janë përfshirë në koncesionin e ri.

Shumë prej 1.2 miliardë eurosh është vlera që ka kushtuar rruga e Kombit e cila ka qenë e gjitha në një terren malor me dy tunele 6 kilometra, me ura të larta dhe një investim kolosal në një trase 100% të re.

Ndërsa rruga akutuale është në pjesën më të madhe të saj fushore, gjysmë dhe më shumë se aq është e gatshme. Segmenti i ri është vetëm Kashar-Rrogozhinë, çka tregon se qeveria shqiptare nëpërmjet këtij konçesioni duket se ka nxjerrë dhe njëherë tentakulat e saj për të rrëmbyer nga taksat e shqiptarëve nëpërmjet koncesioneve korruptive.

Në trasenë e rrugës prej 115 kilometrash, aksi i ri është ai Thumanë-Kashar dhe Kashar-Rrogozhinë, por po të shikojmë faktet e vetë kësaj qeverie, koncesioni i rrugës Thumanë-Kashar i anulluar nga qeveria gati dy vite më parë është në vlerën prej 225 milionë eurosh. Po t?i shtojmë kësaj rruge edhe vlerën e Kashar-Rrogozhinë, ndoshta me një total prej rreth 200 milionë eurosh, do të kemi 400 deri në 450 miolionë euro vlerë totale të investimit në trasenë e re të rrugës.

Pra, nga Thumana në Kashar dhe nga Kashari në Rrogozhinë. Pjesa tjetër janë të gjithë segmente rrugore ekzistuese të cilat do të rehabilitohen nga Rrogozhina në Fier dhe nga Miloti në Thumanë, rrugë që do të kenë akse dytësore, rehabilitmit dhe mbikalime.

Në një investim rreth 1.2 miliardë euro të qeverisë shqiptare vetëm 30% e totalit të këtij fondi shkon për segment të ri rrugor. Gati 70% e shumës është e gjitha vlerë për rehabilitimtë segmentin aktual rrugor. Qeveria do të paguajë nga 400 deri 450 milionë euro për rrugë të re ndërsa do të paguajë nga 750 deri në 800 milionë euro rehabilitim të rrugëve ekzistuese, çka tregon qartë vlerat abuzive të cilat refletojnë nga vetë koncesionet e mëparshme dhënë nga qeveria shqiptare dhe anulluar.

Fitues i paravendosur

Nga ana tjetër CNA.al ka mësuar se edhe fituesi është i paravendosur, ajo do të jetë një kompani greke. Burime jozyrtare thanë për CNA.al se vlerat e punimeve dhe kostoja e saj në infrastukturë është shumë herë me ulët sesa është shpallur nga qeveria dhe fituesi dihet.

Edi Rama po bën gati një qokë ndaj një kompanie greke të cilës do t?i japë me koncesion segmentin Milot-Fier me një vlerë rreth 1.2 milionë dollar të paguar nga taksat e shqiptarëve.

Pra, rruga ka jo vetëm vlerën e saj kolosale, shumë të lartë në krahasim me realitetin por, edhe faktin që fituesi është thuajse i paravendosur./CNA.al

Nga Klodian Tomorri/ Milot-Fier, po vjen afera e radhës