web counter
LEXO PA REKLAMA!

SHKARKO APP

App Store
Google Play

Video-Florjon Mima akuza të forta/ “Qeveria e Ramës shërbëtore e një grushti oligarkësh”

29 Qershor 2020, 18:04, Politikë CNA

Duke marrë shkas nga deklarata e Dhomës Amerikane të Tregtisë, ish-deputeti i Partisë Demokratike Florjon Mima, ka ngritur akuza të forta ndaj kryeministrit Edi Rama dhe qeverisë.

Mima pretendon se qeveria e Ramës është shumë më e dobët se ajo e demokratëve në vitin 2012, ndërsa e cilëson atë si një qeverisje të paaftë dhe shërbëtore të oligarkëve.

?Dhoma Amerikane e Tregtisë i bëri gjyqin një qeverisjeje të paaftë, të çoroditur, shërbëtore të bindur të një grushti oligarkësh, armike të interesave të pjesës më të madhe të qytetarëve shqiptare.

Të vlerësohesh sot, pas gati 8 vitesh në qeverisje, dukshëm më ulët se qeveria e demokratëve në 2012, konfirmon se kursi i pseudoreformave të Rilindjes e përplasi vendin në honin e thellë të mjerimit, tregon se qeverisja e saj punon vetëm për interesat e dhjetë vetëve dhe se asaj nuk i interesojnë të ardhurat e shqiptarëve, nuk i intereson mbijetesa e tyre?, shkruan ai në rrjetet sociale.

Demokrati ka publikuar një video, ku përveç akuzave për taksat, shpalos edhe planin e Partisë Demokratike për taksën e sheshtë 9%.

?PD ka një plan të thjeshtë për kthimin e shqiptarëve në punë: taksa të ulëta, shtet duarshkurtër karshi qytetarëve e bizneseve, zyrtare meritore-shërbëtore të qytetarëve e bizneseve. PD nuk premton mrekulli, por ajo që premton është që çdokush të jetë i lirë, të punojë, të prosperoje, të fitoje dhe nga ky fitim të kontribuojë vetëm 9% si detyrim për arkën e përbashkët. Më pak taksa do të thotë më shumë para, më shumë mundësi për familjen?, nënvizon Mima./ CNA.al





Lajmet e fundit nga