Dhunë, mashtrim, përndjekje, plagosje e drogë/ Arrestohen 5 persona në Durrës

28 Qershor 2020, 10:06, Kronika CNA

7 persona kanë rënë në prangat e policisë së Durrësit për vepra të ndryshme penale.

Mësohet se 5 prej tyre kanë qenë të shpallur në kërkim kombëtar, ndërsa janë proceduar në gjendje të lirë 6 persona të tjerë për ?Organizim dhe pjesëmarrje në grumbullime e manifestime të paligjshme?.

Konkretisht mësohet se janë ndaluar shtetasit me iniciale:

D. Gj., 43 vjeç, banues në Durrës, pasi Gjykata e Shkallës së Parë Durrës i ka caktuar masën ?Arrest në burg?, për veprën penale ?Mashtrimi?;

E. M., 35 vjeç, banues në Durrës, për veprën penale ?Përndjekja?, pasi më datë 19.05.2020, ka përndjekur ish të fejuarën e tij;

D. P., 45 vjeç, banues në Durrës, pasi Gjykata e Shkallës së Parë Durrës i ka caktuar masën e sigurisë ?Arrest në burg?, për veprën penale ?Mosdhënia e mjeteve për jetesë?;

I. M., 28 vjeç, banues në Durrës, pasi Gjykata e Shkallës së Parë Durrës i ka caktuar masën e sigurisë ?Arrest në burg?, për veprën penale ?Plagosja e lehtë me dashje?;

H. M., 62 vjeç, banues në fshatin Nuaj, Krujës, pasi Gjykata e Shkallës së Parë Krujë i ka caktuar masën e sigurisë ?Arrest në burg?, për veprën penale ?Kultivim i bimëve narkotike?;

Specialistët e Qarkullimit Rrugor në Drejtorinë Vendore të Policisë Durrës, në vijim të punës për parandalimin e aksidenteve dhe ndëshkimin e atyre drejtuesve që drejtojnë mjetin në mënyrë të parregullt, arrestuan në flagrancë, R. S., 36 vjeç, banues në Jubë, Durrës, pasi u konstatua duke drejtuar mjetin tip ?Citroen? në gjëndje të dehur.

Gjithashtu specialistët për Hetimin e Krimeve në Komisariatin e Policisë Krujë, në vijim të punës për parandalimin e dhunës në familje, arrestuan në flagrancë I. M., 48 vjeç, banues në Krujë, pasi ka ushtruar dhunë fizike dhe psikologjike ndaj bashkëshortes së tij.

Ndërkohë u proceduan penalisht A. D., 43 vjeç, F. P., 26 vjeç, A. Z., 37 vjeç, Xh. P., 19 vjeç, A. M., 43 vjeçe dhe A. Ll., 30 vjeçe, banues në Krujë, pasi kanë organizuar protestë të paligjshme, përpara Bashkisë Krujë.

Sakaq, materialet i kaluan Prokurorisë së Rrethit Gjyqësor Krujë, për veprime të mëtejshme./ CNA.al