web counter
LEXO PA REKLAMA!

SHKARKO APP

App Store
Google Play

Artan Hoxha zbulon prapaskenat e gjyqit ndaj Saimir Tahirit/ Pse po zvarritet proçesi 

27 Qershor 2020, 11:25, Kronika CNA

Gazetari Artan Hoxha ka folur sot në lidhje me vendimin e djeshëm të Gjykatës së Posaçme të Apelit, e cila vendosi që të kthejë në pikën zeri çështjen ndaj ish-ministrit të Brendshëm, Saimir Tahiri.

Nga studio e Abcneës, gazetari Artan Hoxha tha se Saimir Tahiri nuk po gjykohet thjeshtë si shtetasi Saimir Tahiri, por sipas tij ai është në qëndër të vëmendjes, për shkak se është ish-ministri i Brendshëm më jetëgjatë i këtij vendi.

Sa i takon vendimit të djeshëm të Apelit, ai tha se jo vetëm që nuk qartësoi asgjë, por vetëm sa shtoi mjegullën.

?Çështja në lidhje me Saimir Tahirin dhe Jaled Çelën nuk mund të anashkalohet dhe për më tepër verdikti që dha dje Apeli, e bën të pa anashkalueshme.

Kjo është një çështje që ka nisur që në 2017 dhe sot jemi në 2020. Është një çështje që është në vëmendjen e të gjithëve dhe për më tepër edhe të partnerëve tanë strategjikë. Është një proces ku si rrallë ndonjë herë monitorohet me detaje dhe nga përfaqësues të SHBA dhe BE.

Ndërkohë, kemi një verdikt që nuk është verdikt. Vendimi i djeshëm nuk qartësoi asgjë, e bëri më mjegull gjithë historinë.

Saimir Tahiri nuk akuzohet thjeshtë si shtetasi Saimir Tahiri, se pot ë ishte thjeshtë Saimir Tahiri, çështja do ishte mbyllur. Ai gjykohet si ish-ministri i Brendshëm më jetëgjatë dhe për këtë është në epiqendër të sulmit?-tha Artan Hoxha./ CNA.al





Lajmet e fundit nga