E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Mjeku tregon pse u rritën rastet me Covid-19 në Shqipëri/ Çfarë ndodh me rritjen e temperaturave

25 Qershor 2020, 07:19, Lifestyle CNA

Mjeku pneumolog në Itali, Behar Cekorja foli për situatën e koronavirusit. Cekorja, i cili punon në Siena tha se situata në zonën e tyre ka qenë më e lehtë krahasuar me Lombardinë.

Në një intervistë për ?Abc-ja e mëngjesit?, ai tha se ?Në Lombardi kur e kuptuan që kishte ardhur Covid, kishte kaluar më tepër se një muaj. Pjesa më e madhe e të infektuarve, të personelit mjekësor ishin mjekë familje. Vdekjet më të larta kanë qenë të mjekëve të familjes. Ne në Toskanë kjo na dha kohë?.

Ndërkaq, për rritjen e rasteve në Shqipëri ai tha se kjo ka ardhur si pasojë e hapjes totale dhe nuk kemi të bëjmë me një valë të dytë të virusit. Cekorja u shpreh më tej se beson se virulenca e virusit nuk ka rënë, por janë kushtet atmosferike ato të cilat vështirësojnë përhapjen e tij.

?Është vazhdimin i valës së parë. Shqipëria bëri mbylljen totale dhe virusi nuk arriti të përhapej. Me hapjen totale, se në Shqipëria hapja nuk ishte graduale, por totale nuk ka distancim social dhe virusi është akoma mes nesh. Nëse është më i fortë apo më i dobët nuk ka akoma të dhëna për këtë gjë. Nuk e dimë nëse virulenca ka rënë apo jo. Duket se virulenca nuk ka rënë. Thjeshtë ndihmojë kushtet e atmosferike, i ngrohti ndoshta ul atë përhapjen e virusit. Megjithatë akoma nuk ka të dhëna shkencore?, tha ai.

Më tej, mjeku sqaroi edhe heqjen e barnave tocilizumab nga protokolli i mjekimit në Itali.

?Italia hoqi nga studimi ilacin tocilizumab sepse pa që nuk kishte efekt për sa i përket vdekshmërisë apo përmirësimit. Ky ilaç është studiuar nga pacientë me pasoja të lehta dhe jo te ata me të rënda. Në atë lloj pacientësh ndoshta ka një lloj logjike të përdoret ky ilac. Në format më të lehta dhe të mesme nuk jep ndonjë rezultat, por në format më të rënda arrin të bllokojë një nga mënyrat inflamatore të sëmundjes. Ne e kemi përdorur te pacientët e intubuar dhe kemi pasur rezultate?, u shpreh ai.