web counter
LEXO PA REKLAMA!

SHKARKO APP

App Store
Google Play

E fundit!

x

“Asnjë shtet nuk ia del i vetëm”/ OBSH: Pandemia nuk mposhtet më një botë të ndarë

23 Qershor 2020, 07:29, Lifestyle CNA

Drejtori i Përgjithshëm i Organizatës Botërore të Shëndetësisë (OBSH), Tedros Adhanom Ghebreyesus, ka thënë se “kërcënimi më i madh me të cilin përballemi tani nuk është vetë koronavirusi, por mungesa e solidaritetit dhe udhëheqjes globale”.

“Ne nuk mund ta mposhtim këtë pandemi me një botë të ndarë. Politizimi i pandemisë e ka përkeqësuar situatën. Asnjë nga ne nuk është i sigurt deri sa të gjithë të jemi të sigurt. Asnjë organizatë dhe asnjë shtet nuk mund ta luftojë i vetëm këtë pandemi. Vetëm, duke punuar bashkë mund ta kapërcejmë këtë kërcënim global. Kërcënimi më i madh me të cilim përballemi tani nuk është vetë virusi, por mungesa e solidaritetit dhe lidershipit global”, tha ai gjatë një video konference për media.

Në të gjithë botën, më shumë se 9 milionë njerëz janë konfirmuar si të infektuar nga koronavirusi dhe më shumë se 471,000 kanë humbur jetën, sipas të dhënave të Universitetit Johns Hopkins.
Më 29 maj, presidenti i Shteteve të Bashkuara, Donald Trump, tha se Uashingtoni i ka përfunduar marrëdhëniet e tij me Organizatën Botërore të Shëndetësisë.
Trump tha se OBSH-ja, agjenci e Kombeve të Bashkuara, ka dështuar t?i bëjë reformat ?e kërkuara dhe shumë të nevojshme?, pas shqetësimeve të SHBA-së për mënyrën se si e ka trajtuar pandeminë e koronavirusit./CNA.al





Lajmet e fundit nga