web counter
LEXO PA REKLAMA!

SHKARKO APP

App Store
Google Play

“Fluks i shtuar qytetarësh tek Infektivi”/Manastirliu del me thirrjen e fortë: Ju lutem dëgjoni apelin!

22 Qershor 2020, 10:59, Lifestyle CNA

Ministria e Shëndetësisë njoftoi sot se ka shkuar në 82 numri i pacientëve të prekur nga COVID-19 që janë shtruar në spital.

Për këtë rritje të numrit të të shtruarve në spital ka reaguar edhe ministrja Ogerta Manastirliu e cila bën të ditur se ka një fluks të shtuar qytetarësh që kanë nevojë për trajtim mjekësor si pasojë e simptomave të rënda të COVID-19.

Manastirliu ka publikuar mesazhin e mjekes së Infektivit, Nevila Gjermeni, e cila ka një thirrje të fortë për të gjithë qytetarët.

?Mjekët dhe infermierët e spitalit infektiv po përballen me një fluks të shtuar qytetarësh që kanë nevojë për trajtim mjekësor si pasojë e simptomave të rënda të COVID19. Nuk është asnjëherë e tepërt lutja e tyre për më shumë kujdes! Ju lutem dëgjoni apelin e dr. Nevila Gjermenit, e cila prej më shumë se 3 muajsh është çdo ditë në vijën e parë të përballjes me COVID19.?, shkruan Manastirliu krahas mesazhit të doktoreshës së Infektivit.

?Një lutje për të gjithë popullatën. Pavarësisht se gjërat shkuan mirë duam që të vazhdojnë të shkojnë mirë, ashtu sikurse e filluam. I lutem të gjithë popullatës të vazhdojnë të kujdesen për vetën dhe njerëzit e dashur duke zbatuar rregullat e higjienës dhe distancimit social?, shprehet Gjermeni./CNA.al





Lajmet e fundit nga