E fundit!

22:05 Politikë

“Filloi numërimi mbrapsht, kapitujt mbyllen brenda 2027-ës”/ Rama ndan videon nga Brukseli

Kryeministri Edi Rama ka ndarë një video nga Brukseli ku s...

Kalimi në finalen e Kupës, befason Sarri: Sot bëra një idiotësi

13 Qershor 2020, 08:08, Sport CNA

Juventusi ka kaluar në finalen e Kupës së Italisë falë barazimit pa gola ndaj Milanit por Mauricio Sarri e pranon që skuadra e tij nuk është aty ku pritet dhe shkak për këtë është ndalesa tremujore e të gjitha aktiviteteve. Juventusi luajti mire në 30 minutat e parë e pastaj uli ritmin me Sarrin që shpjegoi se ishte e pritshme deri diku një gjë e tillë.

?Po dominonim ndeshjen dhe lëviznim topin me shpejtësi, në gjysëm orën e parë të lojës skuadra ka bërë mjaft mirë. Por pastaj ulëm ritmin dhe kemi luajtur me dy prekje. Diçka u thye disa muaj më parë. Janë lojtarë të cilët kanë qëndruar 70 ditë të ulur në divan, t?i kthesh në efiçencën e plotë fizike dhe intensitet nuk është e lehtë. Kjo ishte një ndeshje e fundit të qershorit dhe nuk është një situatë para-kampionati, por më keq. Në para-kampionat, lojtarët kanë qëndruar të ndalur 30 ditë por ishin aktivë, ndërsa tani kanë qëndruar me muaj në divan?, theksoi ai.

Sarri në fillimin e pjesës së dytë vendosi të ndryshonte menjëherë tre lojtarë në mesfushë dhe pranoi se kishte bërë një lëvizje të pamenduar mirë. ?Aty bëra një idiotësi. Me këto 5 zëvendësimet me kapi entuziazmi dhe të ndërrosh tre lojtarë njëherësh ndryshon edhe ekuilibrin në skuadër, është një rrezik që e morëm përsiper. Ndoshta duhej ta bëja të shtrirë në kohë si lëvizje?, tha ai duke mos preferuar që të jepte emrin e kundërshtarit të preferuar në finale.

?E rëndësishme në këtë moment është që kemi shkuar ne atje. Nesër është kjo ndeshje shumë e bukur. Të shohim ndeshjen dhe do të përgatitemi për çdo eventualitet. A do ta shoh apo do të nxjerr për xhiro qenin? Të shohim Çiro, ai leshtor, se çfarë mbrëmje do të kalojë?, tha duke qeshur trajneri i Juventusit.