web counter
LEXO PA REKLAMA!

SHKARKO APP

App Store
Google Play

Shembjet në Velipojë/ Ademi i drejtohet ambasadës së SHBA dhe BE

12 Qershor 2020, 16:03, Politikë CNA

Pasi IKMT shembi ndërtimet pa leje në zonën bregdetare të Velipojës, kryetarja e bashkisë së Shkodrës, Voltana Ademi ia ka paraqitur këtë shqetësim kryeministri Rama, ministrit të Brendshëm, Sandër Lleshaj, ministrit të Bujqësisë Blendi Klosi dhe ambasadës së ShBA dhe BE.

Kryebashkiakja Ademi ngre shqetësimin se qeveria e Shqipërisë ka grabitur plazhin e Velipojës. Ajo thekson se do të vazhdojë të kërkojë të drejtën ligjore.
Ademi thotë se Velipoja ka marrë një goditje të rëndë dhe sipas saj kjo është e qëllimshme.

“Bashkia Shkodër do të vijojë të kërkojë të drejtën ligjore, vendosjen para ligjit të shkelësve të tij. Vë në dijeni Prokurorinë e Rrethit Gjyqësor Shkodër, që të ndërmarrë të gjithë veprimet për të hedhur dritë, për të hetuar dhe vendosur drejtësinë..
U jam drejtuar ju drejtuesve të lartë të IKMT, Ministrit të Turizmit, Ministrit të Brendshëm në respekt të ligjit, duke kërkuar zbatimin e tij, por akoma mbetemi pa përgjigje deri tani. Velipoja ka marrë një goditje të rëndë këtë prag sezoni. Kjo është e qëllimshme dhe me ngjyrim edhe politike, sepse skena të tilla nuk i kemi parë askund në vijën bregdetare në prag të sezonit”, thuhet në letrën e Ademit./CNA.al





Lajmet e fundit nga