web counter
LEXO PA REKLAMA!

SHKARKO APP

App Store
Google Play

U largua pas 22 vitesh karrierë nga Gazeta Shqiptare/ Zbulohet televizioni ku do ta shohim Rezarta Delisulën

9 Qershor 2020, 15:15, Lifestyle CNA

Gazetarja Rezarta Delisula është bërë kryetemë e mediave rozë kohët e fundit me largimin nga Gazeta Shqiptare pas 22 viteve karrierë.

Sot Rezarta ka zbuluar arsyen e largimit nga gazeta ku ka punuar për dy dekada dhe televizionin në të cilin do të fillojë punë.

?Kisha menduar se do dilja në pension në Gazetën Shqiptare edhe kurrë nuk kisha pranuar asnjë ofertë të ardhur prej vitesh e vitesh por me thënë të drejtën, mendoj se uji i ndenjur nuk bën mirë. Nuk është një situatë që dua ta përflas, është një situatë normale që mund të ndodhë. Thjesht mospajtim çështjesh teknike?, u shpreh ajo në një intervistë për Newsbomb.al.

Gjithashtu, gazetarja ka rrëfyer se tashmë do ta shohim në ekranin e Euronews Albania me një emision të sajin, kushtuar Shqipërisë.

?Për fat, Rez Delisula ka dashur gjithmonë të bëjë reportazhe, të jetë pranë njerëzve, dhe mendoj që kam qenë dhe jam brenda zhanrit tim, brenda llojit tim. Jam brenda qenies sime dhe dua t?i ofroj audiencës, qoftë edhe të rinjve, të shohin diçka ndryshe. Dua të shohin Shqipërinë me sytë e mi, Tiranën me sytë e mi, dhe të shohin Tiranën dhe Shqipërinë sipas xhepit të tyre. Nuk është Shqipëria e shtrenjtë, nuk është Shqipëria e lirë, është Shqipëria e të gjithëve. Dhe nuk mund të tutemi nëse kemi pak lekë në xhep sepse edhe me pak lekë ti mund të shijosh gjithçka?, thekson ajo.

?Ky emision nuk i drejtohet të pasurve, atyre që kanë benzinë apo makinë, i drejtohet dhe atyre që mund të shohin gjëra të bukura dhe mund t?i krijojnë vetes një hapësirë për të plotësuar paketën e tyre familjare. Ky emision i dedikohet çdo kategorie sociale dhe kur më pyesin çfarë targeti ka? targeti është nga 13 vjeç që ju do e shihni të enjten në orën 16:30 dhe deri në 90 vjeç, kush ka takat?, vijon më tej Rezarta./ CNA.al





Lajmet e fundit nga