web counter
LEXO PA REKLAMA!

SHKARKO APP

App Store
Google Play

E fundit!

x

Kërkesat e opozitës për Zgjedhoren/ Duka: Janë mbushur kutitë e votimit me emigrantë e të vdekur

1 Qershor 2020, 18:58, Politikë CNA

Kreu i partisë Agrare Ambientaliste, Agron Duka në një intervistë për Ora news ku ka folur për Reformën Zgjedhore, u shpreh se opozita ka propozuar që të ketë një administrator zgjedhor që zgjidhet me konkurrim i cili do të jetë përgjegjës për numërimin e votave.

Po ashtu Duka shtoi se pozita kërkon edhe identifikimin biometrik, pasi janë mbushur kutitë e votimit me emigrantë që nuk kanë ardhur fare në Shqipëri apo dhe kanë vdekur.

?Opozita ka propozuar që të ketë një administrator zgjedhor që zgjidhet me konkurrim. Ky njeri është përgjegjës për numërimin e votave, ndërsa vëzhguesit janë politikë, 3 nga mazhoranca dhe 3 nga opozita.

Në rast se gjatë numërimit vëzhguesit shohin një parregullsi dhe secili prej tyre mund të kërkojnë një rinumërim. Kur dekomentohet se kjo është bërë me qëllim, janë shtuar edhe nga masat ndëshkuesi. Jemi në një situatë mosbesimi me njëri-tjetrin.

Opozita me të drejtë kërkon një komision hibrit, me një person drejtues jo politik i zgjedhur në mënyrë kazuale dhe me vëzhgues politikë. Mund të kandidojë kush do për këtë pozicion.

Opozita kërkon edhe identifikimin biometrik, pasi janë mbushur kutitë e votimit me emigrantë që nuk kanë ardhur fare në Shqipëri. I mbushin edhe me persona që kanë vdekur. Duke bërë identifikimin biometrik nuk mund të shtohen votat.?/CNA.al

 





Lajmet e fundit nga