web counter
LEXO PA REKLAMA!

SHKARKO APP

App Store
Google Play

E fundit!

x

Nikoll Lesi shpik zgjedhje lokale në tetor

25 Maj 2020, 10:24, Politikë CNA

Gazetari Nikoll Lesi, së fundi ka bërë një tjetër ?shpikje.

Pas parashikimit që nuk i doli për zgjedhjet e parakohshme parlamentare në muajin maj, tashmë ka parë një tjetër ?ëndërr?, kësaj radhe me zgjedhje vendore.

Në një shkrim të publikuar sot në gazetën e tij, Nikoll Lesi shkruan se Rama ka vendosur të mbajë zgjedhje të parakohshme vendore në tetor, për të pasur mundësi që të fitojë mandatin e tretë si kryeministër.

?Burime shumë konfidenciale tregojnë se këshilltarët e tij dhe disa të huaj e kanë bindur kryeministrin Rama që në tetor të këtij viti të zhvillojë zgjedhjet vendore, të cilat i mori me 30 qershor 2019 si një parti komuniste, me një kandidat. Por Rama në këtë rast nuk ka hallin e demokracisë, pasi atë e ka shkatërruar dhe rrëzuar përtokë, duke e fundosur me rastin e Teatrit Kombëtar, por ai bluan tjetër hall. Ai do mandatin e tretë si kryeministër. Ai nuk duron dot që të humbë, ndonëse të gjitha sondazhet e çojnë në një humbje marramendëse, ku nuk kap as rezultatin më të dobët të PD, në vitin 2017.?-shkruan Nikoll Lesi.

Por, në fakt gjithçka duket të jetë një teori konspirative e Nikoll Lesit, i cili njihet si mbështetës i Ilir Metës.

Dikur ishte me Fatos Nanon, pastaj me Berishën, ca kohë u bë me Ramën, dhe tani së fundi me Veliajn, shikon ?ëndërra? me zgjedhje në tetor./ CNA.al





Lajmet e fundit nga