E fundit!

14:30 Aktualitet

Nga njohja me Laert Haxhiun te shpërthimi në lokalin e Noizyt/ Zbardhet dëshmia e Cllevio-s në GJKKO

Reperi Kleviol Ahmeti i njohur si “Cllevio” është paraqitu...

Nga Armir Shkurti/ Policët pa numër

16 Maj 2020, 15:56, Opinione CNA

Këto ditë kam pyetur veten se përse nëpër postblloqe ka plot policë pa matrikull, siç e thotë ligji. Agresiviteti dhe paaftësia e theksuar e tyre, sidomos në marrëdhënie me popullin, më ka bërë të mendoj se janë militantë apo mercenarë partie. Ata janë të gatshëm që për kafshatën apo sejmenllëk të zbatojnë verbërisht urdhëra në vend të ligjit…
Por një miku im, polic kariere, më tronditi me diçka më të rëndë:
– Kemi turp nga uniforma Armir! Kalojnë njerëzit e na shajnë nëpër dhëmbë…deri edhe , mender pjerdhin, thjesht për të na fyer! Na e nxjerrin neve inatin që u është mbledhur.

Dje tek diga e Liqenit vetëm një djalë e një vajzë me uniformë pa matrikull ishin rojet e Ramës. Ata përballeshin me këdo që papritur gjendej para mbylljes së rrugës dhe si fjali të dytë ( e transmetuam mbrëmë në Zjarr Tv) kishin “të shoqëroj në komisariat”! Me demek “të ha gogoli”.
– Pse nuk ke numër?
– Se jemi të rinj! – (përgjigjja në videon më poshtë) .

Në sytë e popullit të karantinuar çdo polic në rrugë sot është Edi Rama. “Hyr! Dil! Mos dil! Ku shkon? Ku e ke lejen? Gjobë! Burg!!”
Polici është dhunuesi, heqësi i lirisë, varfëria, papunësia….Shto edhe rrahjen xhahile që një grup rrugaçësh me blu i bënë një fëmije në rrugë dje.

Edi Rama dhe Sandër Lleshaj kanë PËRGJEGJËSINË për armiqësimin e POLICISË me POPULLIN SHQIPTAR, për shkak të shpërdorimit të POLICISË dhe më rëndë akoma, USHTRISË si mjet represioni.

Rama dhe Lleshaj kanë përgjegjësinë e shndërrimit të policisë nga PJESË E KOMUNITETIT në MJET DHUNE REPRESIONI DHE HAKMARRJE TË PUSHTETIT.

Sjellja politike PUBLIKE e Kryeministrit dhe Ministrit të Brendshëm janë konfirmime të botkuptimit STALINIST – ENVERIST se “SHTETI ËSHTË DHUNË” në vend të konceptit perëndimor “SHTETI ËSHTË KONTRATË” të Locke apo Rousseau.

Edi Rama me Sandër Lleshajn janë përgjegjës për vënien në RREZIK TË STABILITETIT të Shqipërisë përmes cënimit të rendit e sigurisë për shkak të DISKREDITIMIT TË UNIFORMËS, ARMIQËSIMIT TË POLICISË ME POPULLIN, THYERJEN E BESIMIT TË POPULLIT TEK POLICIA.

Në këto kushte, në rast të trazirave për shkak të urisë dhe krizës ekonomike kjo polici e diskredituar prej SATRAPIT EDI RAMA , do të hidhet si mish për top para turmave të irrituar, duke përsëritur skenat “policia është me ne” të policëve që flaknin kapelet para popullit në ’90 – ’92 dhe 1997.

THEKSOJ SE KJO GJENDJE ËSHTË RREZIK I JASHTËZAKONSHËM PËR JETËT TONA!!
Përsëris: Në ditët e vështira që po vijnë rendi dhe qetësia janë në diskutim, ndaj më shumë se kurrë kemi nevojë për një polici PROFESIONALE, APOLITIKE dhe TË UDHËHEQUR VETËM PREJ LIGJIT!

Që policia të gëzojë pa më të voglin diskutim mbështetjen dhe besimin e POPULLIT duhet në çast të pastrohet nga këta rojet e bostanit, pa identitet e përvojë.

POR MBI TË GJITHA: I ZOTI I BOSTANIT (EDI RAMA) urgjent të lerë lojën “luftash” e të merret me ekonominë! Sot tek ne janë VETËM 180 TË SËMURË ME GRIP!! ( shifrat e OBSH )
Deri më sot vetëm 31 të sëmurë ME SËMUNDJE TË TJERA kanë ndërruar jetë pas prekjes nga virusi dhe prej DY JAVËSH E GJYSMË ASKUSH NUK KA VDEKUR MË!

Ndërsa dëmi shkaktuar në PRISHJEN E PAQES SOCIALE, katastrofa ekonomikeve çertifikuar nga BERZH dhe BSH , cënimi i qëllimshëm i RENDIT përmes shpërdorimit të policisë me urdhëra e udhëzime facebooku dhe regresi politik janë “sëmundje shoqëruese” që pritet të shkaktojnë shumë më tepër varre e gjak!

EDI RAMA ËSHTË PËRGJEGJËSI!!

Gepostet von Armir Shkurti am Samstag, 16. Mai 2020