E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vendosur masën e sekuestrimit pasu...

Nga Aurel Plasari/ Kush do të guxojë të përsërisë në Shqipëri krimin nazist?

6 Maj 2020, 19:39, Opinione CNA

E kam fjalën për krimin nazist që Gjykata Ndërkombëtare e Nurembergut, mbas përfundimit të Luftës II Botërore, e gjykoi dhe e dënoi në të njohurin ?Proces të Mjekëve?, ndryshe të regjistruar me terminologjinë juridike si ?United States of America v. Karl Brandt, et al.?. Thelbi i atij procesi ishte përdorimi i barnave, vaksinave etj., si dhe kryerja e eksperimenteve mjeko-shkencore kundër vullnetit të individit dhe pa konsensin e tij, kinse ?në emër të shkencës?.

Procesi, i zhvilluar në Pallatin e Drejtësisë së Nurembergut, filloi në dhjetor 1946 dhe përfundoi më 20 gusht 1947. Në të u morën 23 të pandehur, duke filluar nga dr. Karl Brandt, – prandaj procesi njihet dhe për emër të tij, – mjek personal i Hitlerit dhe Komisar i Rajhut III për Shëndetin; mbas tij edhe pothuaj e gjithë hierarkia e ?mjekësisë naziste?.

Pika 2 e Padisë i akuzonte të pandehurit se, nga shtatori 1939 deri në prill 1945, vullnetarisht dhe lirisht kishin marrë pjesë në kryerjen e krimeve simbas përcaktimit të Nenit II të ?Control Council Law n. 10? dhe konkretisht në kryerje eksperimentesh mjekësore pa konsensin e pacientëve.

Pika 3 e padisë i akuzonte të pandehurit se, nga shtatori 1939 deri në prill 1945, vullnetarisht dhe lirisht kishin pranuar dhe kishin bashkëpunuar në plane dhe eksperimente pa konsensin e personave, civilë gjermanë dhe kombësish të tjera, duke shkaktuar vdekje në referim të pikës 2 të Padisë.

Të quajturit ‘Nazidoctors’ u gjykuan fajtorë për krime kundër njerëzimit, duke pas shkelur të gjitha rregullat e deontologjisë së veprimtarisë mjeko-shkencore, dhe u dënuan kush me vdekje, kush me burgim të përjetshëm, kush me vite të caktuara heqje lirie. Një llogari për t?u bërë mirë ? me këtë paralajmërim si vath në vesh ? nga kushdo që guxon të kërcënojë shoqërinë shqiptare me vaksina përdhuni: ja se vaksinë, ja se ju mbyll nëpër shtëpi!

Por rezultati më i rëndësishëm i një procesi si ai ?i Mjekëve?, në mbrojtje të të drejtave të individit për përdorimin mbi të të barnave, vaksinave etj., si dhe të kryerjes mbi të të çdo eksperimenti mjeko-shkencor, ishte hartimi dhe publikimi i atij që njihet si ?Kodi i Nurembergut?, fryt i punës së një grupi mjekësh shkencëtarë të konceptuar si një Komitet Etik Ndërkombëtar. Kryetari i grupit në fjalë nuk ishte as ilegal as klandestin, – simbas modelit aventuroz të ?komiteteve? të Shqipërisë. – ishte mjeku amerikan me origjinë austriake dr. Leo Alexander. Më gjerë: George J. Annas & Michael A. Grodin, ‘The Nazidoctors and the Nuremberg Code’, Oxford University Press 1992.

?Kodi i Nurembergut? është në fuqi ende sot e gjithë ditën. Rekomandimet e tij shërbejnë ende sot e gjithë ditën si baza për çdo hulumtim mjeko-shkencor, si dhe për bioetikën moderne. Po, sepse pikërisht aty gjenden parimet themelore të etikës mjekësore moderne të formatit antropocentrik: që do të thotë? Që do të thotë të etikës mjekësore që ka në qendër njeriun me të drejtat e tij dhe jo eksperimentin mbi të për hir të eksperimentit.