web counter
LEXO PA REKLAMA!

SHKARKO APP

App Store
Google Play

Manipuluan me çmimet/ Gjobiten me 4 milion euro 14 kompani të nafte

7 Maj 2020, 18:51, Kosova & Bota CNA

Autoriteti i Konkurrencës në Kosovë, ka gjobitur me 4 milionë euro 14 kompani nafte pasi kishin manipuluar çmimet.

Sipas asaj që raporton ?Koha? kompanitë të cilat kanë qenë nën hetim e kanë çrregulluar konkurrencën tregtare gjatë muajve nëntor dhe dhjetor të vitit 2018.

Në nëntorin e kaluar AKK-ja kishte gjetur fakte se për shkak të manipulimit me çmimin e naftës, fitimi i kompanive ishte rritur deri në 124 për qind.

Dyshohet se kompanitë e naftës janë marrë vesh paraprakisht me njëra-tjetërn për rritjen e çmimit të naftës.

Pas zhvillimit procedural, Komisioni i Autoritetit, më 6 maj 2020 ka vendosur masën ndëshkuese administrative në shumën prej 4 milionë euro ndaj 14 kompanive nën hetim.

Sipas informacioneve, të 14 kompanitë, me veprimet e tyre, kanë kryer shkelje të dispozitave të Ligjit për Mbrojtjen e Konkurrencës , përkatësisht nenit 4 për ?Marrëveshje të ndaluara apo praktikë e bashkërenduar?.

Autoriteti Kosovar i Konkurrencës nuk i ka bërë ende publike emrat e kompanive dhe dënimet individuale për secilën nga to, por sipas asaj që raporton ?Koha? mes tyre dyshohet se janë  ?Hib Petrol?, ?Al-petrol?, ?Ex Fis?, ?Lab Oil? e ?Petrol Company?.





Lajmet e fundit nga