“Të shmangen grumbullimet fetare”/ Berisha i prerë: Term fyes, të tërhiqet menjëherë!

4 Maj 2020, 11:56, Politikë CNA

Ish- kryeministri Sali Berisha ka kërkuar tërheqjen e thirrjes ?Shmangni grumbullimet fetare? për masat ndaj përhapjes së COVID-19.

Berisha thotë se ?grumbullim? është term fyes për besimtarët që shkojnë në kisha apo xhami, dhe e dyta veçimi i tyre si shembull për masën në fjalë është diskriminim ndaj besimtarëve.

?Miq, Sulltan Salep Surreli, i akuzuar se është burgosur si trafikant i ikonave dhe shjetenimeve të tjera të vjedhura, nxori një poster për distancimin social duke marrë të vetmin shembull që nuk duhet lejuar: grumbullimin fetar.
Dënoj me ashpërsinë me të madhe së pari përdorimin e termit fyes ?grumbullim? për besimtarët që ndjekin meshat në kisha dhe falin namazin në xhamitë tona.
Një term i tille në gjuhën shqipe në fjalorin policor nënkupton turma protestuesish dhe herë herë edhe keqbërësish dhe nuk mund të përdoret kurrë për ata të cilët nisen për kishë, xhami dhe teqe për detyrën më fisnike njerëzore dhe hyjnore, ate të lutjes për të Gjithfuqishmin dhe përuljes para Atij?, shkruan Berisha.

Ai thekson se nga ana tjetër ky poster, duke veçuar dhe marrë si të vetmin shembull besimtarët, me keqdashje diskriminon besimet fetare dhe me mungesë të plote përgjegjësie dhe respekti ndaj besimtareve u ndalon atyre sherbimet që duhet t?i bejne Zotit dhe shpirtit të tyre.

?Duke dënuar me ashpërsine më të madhe në formë dhe përmbajte posterin ateisto hoxhist të Sulltan Salep Surrelit dhe shprehur nderimin tim më të madh udhëheqësve të komuniteteve fetare dhe besimtarëve shqiptar për qendrimin e tyre frymëzues në këtë pandemi, kërkoj tërheqjen e menjëhereshme të traktit ateisto marksist që fyen me gjuhë të padenjë shërbimet e besimtareve ndaj Zotit te Madh dhe lejimin e menjëhershëm të rifillimit të çuarjes së mesheve në kisha dhe faljes se namazit në xhamit tona?, përfundon Berisha./CNA.al