Rama pendohet për replikat me qytetarët, ironizon PD-në/ "Ndjesë edhe demokratikasit më heroik"

3 Maj 2020, 21:03, Politikë CNA

Kryeministri Edi Rama është penduar për replikat me qytetarët dhe i ka kërkuar atyre falje. Në një postim në rrjetet sociale, Rama thotë se nuk ka qenë qëllimi i tij të ofendojë qytetarët.

Kreu i qeverisë ironizon opozitën, duke shpjeguar se me komentuesit opozitarë debaton duke qenë se opozita reale nuk bën dot debat politik.

“Kush nga ju ka menduar se e kam fyer në replikat e mia këtu, ndjesë! Nuk është kurrë ky qëllimi dhe as arsyeja pse unë replikoj me ju në këtë faqe, qofshin edhe urrejteësit e mi më të mëdhenj ata që kundërshtoj! Uneë s’kam kurrsesi asgjë personale me askënd nga ju, as ju njoh e as nuk e di kur jeni prej vërteti e kur fallcoprofil, po thjesht debatoj, pa dorashka, me ata që sulmojnë e shpeshherë shajnë e fyejnë pa frena fare, se përndryshe pse na duhet kjo faqe! Disa thonë që tallem, por jo, kurrsesi, përndryshe nuk do harxhoja asnjë sekondë me replika e me bam e bumë këtu… Disa thonë s’bëjnë kryeministrat kështu, por jo, unë vërtetë jam përkohesisht kryeministër, por s’kam qenë e s’do jem asnjëherë asgjë tjetër përveçse ai që kam qenë dhe ky që jam! Ka dhe disa demokratikas të paepur, që kujtojnë se bëjnë luftë politike me mua këtu e shajnë e nuk pushojnë, mendim ndryshe thonë, por jo, sharja s’është mendim fare apo jo?! Megjithatë as ata s’dua t’i bëj të ndjehen keq! Në asnjë mënyrë! Debati më tërheq shumë me të gjithë ju dhe me ta sidomos, e të ma bëjnë hallall, sepse kur s’e kam dot debatin politik me ata që demokratikasit e kësaj faqeje votojnë (janë pa lidhje fare të votuarit e tyre), s’kam me kë debatoj tjetër më mirë se sa me ta direkt – meqë ra llafi, po ua them: Jeni padiskutim më të vështirë në debat se ata që ju përfaqësojnë në mexhelis, Grupi 7X7=42 e kam llafin.

Nejse, s’po e zgjas më tutje dhe realisht, ndjese edhe demokratikasit më heroik nëse e kam bërë të ndjehet keq me replikën time – po prapëseprapë s’më rrihet, ç’vlerë ka të humbim kohë këtu, nëse nuk përplasemi sinqerisht dreqi e mori?!”, shkruan kreu i qeverisë, ndërsa përfundon duke dhënë “përqafime pa parti”./ CNA.al