web counter
LEXO PA REKLAMA!

SHKARKO APP

App Store
Google Play

E fundit!

x

Meta zbulon kur e ka takuar për herë të fundit Ramën

4 Maj 2020, 18:14, Politikë CNA

Presidenti Ilir Meta ka folur sot për marrëdhënien me kryeministrin Edi Rama dhe për takimet që kanë zhvilluar.

Teksa u pyet se kur ka komunikuar për herë të fundit me kreun e qeverisë, Meta tha: “Unë komunikoj vazhdimisht përmes shkresave zyrtare dhe ky është një komunikim institucional dhe për të mos thënë i përditshëm, edhe pse shumë prej tyre nuk bëhen publike sepse nuk ka arsye mendoj unë që të bëhen publike, ndërsa si komunikim më institucional ka qenë mbledhja e Këshillit të Sigurisë Kombëtare për çështjen e pandemisë”.

Gazetari Roland Qafoku insistoi të dijë nëse ka pasur ndonjë komunikim jo zyrtar, ndërsa Kreu i Shtetit deklaroi se nuk ka ndodhur diçka e tillë.

?Jo nuk kam patur, këto janë përralla dhe legjenda sepse jemi në kohën e distancimit fizik. Hera e fundit që jemi takuar më duket se ka qenë për ditën e progres raportit për Shqipërinë në qershor të vitit të kaluar që unë e kisha ftuar për një drekë në rezidencën e Presidentit, në Pallatin e Brigadave, për të diskutuar para zgjedhjeve vendore për krizën që ishte krijuar, para se unë të nxirrja dekretin për shfuqizimin e 30 qershorit. Madje dhe atëherë nuk kemi qenë vetëm për vetëm, por ka qenë edhe një eksponent tjetër i qeverisë, nivel drejtori”, nënvizoi presidenti në emisionin “Hard Talk”./ CNA.al





Lajmet e fundit nga