E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Memushaj: 13 shokë të skuadrës kishin simptoma të Covid-19, Edi Rejën e kemi si baba

3 Maj 2020, 08:44, Sport CNA

Ledjan Memushaj është një mesfushor, që i dhuroi më shumë klas kombëtares sonë, pas ikjes së Skelës dhe dha një ndihmë esenciale për të prekur për herë të parë në histori Kampionatin Europian. Pikërisht këtë moment magjik dhe të tjerë, mesfushori i Peskarës i kujton në një intervistë për mediet italiane.

MBYLLJA E SEZONIT- Mund të bëhet në fushë nëse ka vullnetin e të gjithëve. Do të ishte në interes të gjithë sistemit. Sigurisht, protokolli i sigurisë duhet të rishikohet dhe të rregullohet për ta bërë atë më të qëndrueshëm.

NË FUSHË ME MASKË NDAJ BENEVENTOS- Kishte një ajër shumë të çuditshëm. Ne ishim të vetëdijshëm se diçka do të ndodhte. Situata brenda ekipit ishte e paqartë. Trembëdhjetë lojtarë dhe madje edhe anëtarët e stafit nuk ndiheshin mirë. Për më tepër disa nga shokët e mi kishin simptoma të ngjashme me ato të virusit. Të gjithë ishim të shqetësuar sepse nuk dinim se çfarë do të kishim hasur. Zbritja në fushë me maska ??ishte një sinjal që donim të dërgonim te autoritetet.

TRAJNERI LEGROTALJE- Ai është një person pozitiv. Kishim pak kohë për të punuar së bashku, por ka harmoni.

DE BIAZI DHE EDI REJA? Ne kemi ndarë diçka të paharrueshme me De Biazin. Unë shpesh flas me të. Ne të grupit, që morëm pjesë në Kampionatin Evropian të 2016-ës jemi shumë të afërt me njëri-tjetrin. Gjithashtu bëmë një udhëtim shumë të mirë me Rejën. Ai është një person i shkëlqyer. Reja është si një baba.

LUKAS TORREIRA DIKUR SHOK SKUADRE TE PESKARA- Atë vit skuadra jonë ishte e mbushur me lojtarë të shkëlqyer. Lapadula, Verre, Kaprari, Mitrita, Valoti, Mandragora. Vetë Donarumma, i cili më pas u shit. Djem që po bëjnë një karrierë të suksesshme. Ishim padyshim një nga ekipet më të forta të Serie B vitet e fundit. Torreira ishte thjesht një djalosh, por ai tashmë tregoi potencialin e tij të plotë. Pastaj te Sampdoria ai lulëzoi, duke gjetur Xhampaolon, që ishte trajneri i duhur për të përmirësuar karakteristikat e tij. /vipsport.al/