web counter
LEXO PA REKLAMA!

SHKARKO APP

App Store
Google Play

Alban Hoxha: Më shumë festë pas derbit e Skënderbeut se me kombëtaren

1 Maj 2020, 08:31, Sport CNA

Alban Hoxha shpreson që të mbyllë karrierën e tij në radhët e Partizanit, klub ku u bë i njohur edhe në arenën ndërkombëtare falë paraqitjeve në Kupat e Europës e me grumbullimin në radhët e përfaqësueses shqiptare.

Në fjalët e tij për ?Fan Zone? ai kujtoi pikërisht se si është eksperienca e tij kuqezi, ndërsa tregoi edhe se si ndeshja me Ferencvaroshin është ajo e cila mbetet gjithmonë në mendjen e tifozëve.

?Ëndrra e çdo lojtari është të jetë pjesë e Kombëtares dhe unë ia dola ta realizoja. Nuk mund të pretendoj akoma më shumë në ekipin kombëtar, e rëndësishme është që thirrem aty dhe përgatitem për kampionatin.

Me Kombëtaren kemi festuar, por shumë pak, ndërsa me Partizanin kemi festuar më shumë. Madje para 2-3 viteve, kur fitonim në derbi ose me Skënderbeun, festonim të gjithë.

Sfida me Ferencvaroshin? Kanë kaluar 4 vite nga ajo ndeshje dhe akoma njerëzit në rrugë më thonë si i prite penalltitë dhe si shënove me Panenka? Pa diskutim ajo është ndeshja më e bukur në karrierën time.

Transferim te Tirana? E respektoj shumë si klub. Megjithatë, dëshira ime është ta mbyll te Partizani, por asnjëherë nuk i dihet. Dinamo apo Partizani? Dinamo ka qenë një ekip shumë i mirë në të kaluarën. Të dyja kanë qenë skuadra të forta. Dinamo asokohe fitonte jashtë dhe e kishte të vështirë brenda. Me Partizanin e kishim shumë të mirë kundërsulmin dhe u krijonim vështirësi kundërshtarëve?, tha ndër të tjera kapiteni i të kuqve.





Lajmet e fundit nga