web counter
LEXO PA REKLAMA!

SHKARKO APP

App Store
Google Play

Lenjani: Mund ta mbyll karrierën te ekipi i Superligës shqiptare

30 Prill 2020, 17:27, Sport CNA

Ermir Lenjani nuk e di ende se si do të jetë e ardhmja e tij. Mbrojtësi i përfaqësueses shqiptare pranon se është i hapur ndaj çdo alternative dhe në Fan Zone konfirmoi se është gati të dëgjojë oferta edhe nga Tirana, nëse i prezantohet një projekt serioz.

?Kemi një president me të vërtetë të çmendur. Kur vendosi të na largojë nga Sioni, u bë e madhe në Zvicër dhe tashmë ka vendosur të na rikthejë 4 prej nesh, ndërsa 5 të tjerët jo.

Nuk i dihet ku do ta mbyll karrierën. Nëse ka diçka shumë serioze, atëherë mund të kaloj edhe te Tirana. Nuk i dihet për të ardhmen, nëse mbyll kontratën këtu mund të shikoj një ekip tjetër si lojtar i lirë dhe do të shkoja aty ku do përshtatesha. Në kohët e fundit kam luajtur më shumë përpara dhe kisha mundësi të shënoja gola?, tha lojtari i cili këtë edicion kishte luajtur shpesh edhe si sulmues krahu.

Nuk mund të mungonte një koment për Kristian Panuçin, me të cilin ka pasur përplasje në distancë para largimit të italianit. ?Të gjithë lojtarët, kur vijmë tani në Kombëtare, jemi më të lirshëm sesa ishim me Panuçin. Me të nuk kisha vetëm unë probleme, të gjithë lojtarët ishin të pakënaqur. Nuk dua të flas keq për të tani, pasi si lojtar ka qenë i mirë, por mua nuk më pëlqen si karakter?, tha Lenjani.





Lajmet e fundit nga