E fundit!

15:45 Aktualitet

46 ditë protestë/ Mbahet sot tubimi i radhës kundër qeverisë

Pasditen e sotme në Tiranë para Kryeministrisë mbahet prot...

Pushime në kohë pandemie/ Plazhe falas në Sarandë, strukturat hoteliere 20% më lirë

29 Prill 2020, 21:33, Sociale CNA

Kryetari i Bashkisë së Vlorës, Dritan Leli dhe ai i Sarandës, Adrian Gurma, në një lidhje me emisionin ?Repolitix?, kanë zbuluar se si pritet të zhvillohet sezoni turistik këtë vit në brigjet e jugut. Megjithëse nga strukturat përkatëse nuk ka ende një udhëzim të qartë se si do të procudohet për shkak të pandemisë.

Lela tha se në Vlorë Operatorët turistikë janë udhëzuar që të respektohet 3 metra lagësi nga çadra në çadër ndërsa shtoi se është në koordinim të vazhdueshëm me strategjinë e qeverisë dhe të gjitha institucionet që të shmanget sa më shumë rreziku i infektimit.

?Po koordinojmë punën e përbashkët me strategjinë që qeveria ka përcaktuar për periudhën karantinë në mënyrë që çdo lëvizje e pakoordinuar të mos cenojë sigurinë kombëtare. Operatorëve turistikë u është dhënë urdhër që të respektohet distanca nga shezlongu në shezlong. Pra kushdo operator që kërkon plazh duhet të mbajë distancën 3 metra nga çadra në çadër?, tha Leli.

Ndërkaq, kryebashkiaku i Sarandës, Gurma tha se u ka kërkuar të gjitha hotelerive një paketë turistike që nuk ka ndodhur në vitet më parë dhe për turistët shqiptarë hoteleritë kanë përgatitur paketa me 20 % ulje krahasuar me çmimet e viteve më parë.

?Bashkia Sarandë dhe bashkitë fqinje të qarkut të Vlorës janë pjesë e Zonës së Gjelbër. Aktualisht për të mos lejuar hyrjen në këto zona janë vendosur postblloqe në bashkitë që kufizohen me zonat jo të gjelbra dhe kushdo që vjen kthehet pas nëse nuk ka një autorizim që lejohet të kalojë. Në takimet e vazhdueshme me operatorët turistikë kemi marrë miratimin me ofrimin e një pakete turistike të veçantë për të gjithë qytetarët shqiptarë. Kanë ardhur ofertat me një ulje rreth 20 % të çmimit të strukturave të hotelerive krahasuar me vitet e mëparshme. Ata kanë marrë të gjitha orientimet për distancimin fizik.

Në lidhje me plazhet publike kryebashkiaku i Sarandës, Gurma tha se këtë vit ndryshe nga vitet e tjera do të kem i plazhe publike falas pa asnjë pagesë dhe do të jetë nga Porti turistik deri tek ish-hotel Turizmi.

?Furnizimi me ujë dhe pastrimi i qytetit sigurohet çdo ditë dhe kjo do të jetë dhe gjatë sezonit turistik. Bashkia Sarandë, këtë vit, ndryshe nga vitet e tjera nga porti turistik deri tek ish hotel turizmi, plazhi do jetë pa pagesë për publikun, jo si vitet e tjera që ka qenë më pagesë./CNA.al