E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Masat/ Ambasadorja suedeze: Shqipëria të mësojë nga ne, qytetarët duhet të jenë pak më të lirë

28 Prill 2020, 19:48, Sociale CNA

Ambasadorja suedeze në Tiranë Elsa Hastad, ka folur lidhur me masat e marra ndaj koronavirusit. Ajo ka treguar se përse Suedia refuzoi të izolojë qytetarët.

“Mendoj se përgjigja me e rëndësishme dhe në fakt e para është se Suedia ishte në kërkim të një strategjie të qëndrueshme që do t?i rezistonte kohës dhe sigurisht donim të kishim diçka që të mos shkaktonte dëm të madh për ekonominë dhe jetën e njerëzve”, u shpreh ambasadorja.

Hastad deklaroi se Suedia vendosi të mos ndjekë masa të rrepta, pasi pretendon se me ka të bëjë niveli i lartë i besimit që ekziston në shoqëri dhe tek institucionet. Ajo rrëfeu se edhe në Suedi ekonomia po vuan, ndërsa paralajmëroi humbje të mëdha.

“Suedia është një vend i vogël eksportues. Ne parashikonim humbje të mëdha, por nëse i referohemi të dhënave të muajit mars, çdokush është pak i habitur, sepse prodhimi është rritur, konsumi i mallrave të përditshëm është rritur me 9% dhe gjithashtu eksporti është rritur, por unë nuk kam të dhënat e muajit prill. Por mund të themi se ne nuk jemi goditur aq shumë sa vetë e kishim parashikuar. Disa sektorë janë goditur më shumë, si për shembul turizmi, hotelet, industria e argëtimit, por disa biznese nuk janë goditur aq keq sa vetë e menduam, dyqanet janë hapur dhe fabrikat po prodhojnë”, nënvizoi ambasadorja në eimisonin “Përballë”.

Sipas saj, në shqipëri qytetarët duhet të lihen më të lirë për të mbajtur hapur edhe ekonominë.

“Mendoj se Shqipëria mund të mësojë, mendoj se ndoshta nuk do të ishte ide e keqe që njerëzit të ishin pak më të lirë dhe për të mbajtur hapur ekonominë, sepse do të jetë e vështirë hapja nëse mbyll gjithë ekonominë. Dhe Shqipëria sigurisht nuk e ka luksin të ketë një rënie të madhe të ekonomisë. Mendoj se ndoshta, jo vetëm Shqipëria, por edhe vendet e tjera mund të mësojnë dhe në anën tjetër çdo vend duhet të vendosë për vetveten, çfarë rruge duhet të ndjekë”, deklaroi Hastad./ CNA.al