E fundit!

15:45 Aktualitet

46 ditë protestë/ Mbahet sot tubimi i radhës kundër qeverisë

Pasditen e sotme në Tiranë para Kryeministrisë mbahet prot...

Drejtoresha e ISHSH: Ja masat që duhet të marrin bizneset e hapura

29 Prill 2020, 17:32, Sociale CNA

Drejtoresha e Përgjithshme e Inspektoriatit Shtetëror Shëndetësor, Vjollca Braho, ka folur për riatdhesimin e shqiptarëve.

Braho tregoi se nga 18 prilli deri më tani kanë ardhur në Shqipëri 1296 bashkëkombas, të cilët janë akomoduar në hotele.

“ISHSH ka njësinë e vet pranë aeroportit Nënë Tereza ku monitoron të gjithë pasagjerët që hyjnë në Shqipëri. Bëhet monitorimi i matjes së temperaturës, bëhet një pyetësor dhe plotësohet skeda për çdo udhëtar. Nga 18 prilli dhe deri sot janë riatdhesuar 1296 persona. Përmes policisë merren me autobusë dhe çohen në hotelet e përcaktuar. Edhe në hotele bëhet inspektimi çdo ditë për kushtet higjenosanitare dhe masat mbrojtëse”, u shpreh ajo per Ora News.

Ndërkohë, për subjektet tregtare që vijojnë aktivitetin, drejtoresha e ISHSH zbuloi se 131 subjekte nuk kanë zbatuar masat janë gjobitur.

“Fokusi kryesor i ISHSH në këto ditë dhe në vijim do të jenë qoftë subjektet e reja që janë hapur, qoftë ato subjekte që janë të përcaktuara në protokollin e kuq si fasoneritë, call center-at, objektet që merren me prodhimin, përpunimin dhe shpërndarjen e produkteve ushqimore, tregtimin e bukës, mishit dhe subjekte të tjera. Kemi kontrolluar edhe subjektet shëndetësore për të parë kushtet në të cilat punohet në këtë situatë Covidi”, theksoi ajo, ndërsa tregoi edhe masat që duhet të zbatojnë bizneset që janë hapur.

“Shikojmë kush është administratori, marrim kontakt me të. Shohim nëse ka bërë afishimin e protokollit ku përfshihet subjekti, a ka afishuar kush janë simptomat e Covid-19 dhe masat që duhet të ndërmarrë për riskun e Covid-19. Është kryer apo jo procesi i dizenfektimit që kryhet dy herë në ditë. Masat e tjera si maskat, dorezat, dizenfetkuesit duhet të jenë në vendet e punës dhe distancimi social prej 2 metrash. Mirë është që punonjësit të jenë me kurriz me njëri-tjetrin, kur kjo nuk është e mundur dhe janë përballë duhet të ketë një ndarje me xham, ose plastikë”, nënvizoi Braho./ CNA.al