web counter
LEXO PA REKLAMA!

SHKARKO APP

App Store
Google Play

E fundit!

x

Ekzekutim mafioz në mes të Durrësit/ Zbardhen detajet tronditëse, 40 të shoqëruar

28 Prill 2020, 07:00, Kronika CNA

Të tjera detaje kanë dalë në dritë në lidhje me ngjarjen e rëndë që tronditi vendin një ditë më parë, ku dy vëllezër u ekzekutuan në mënyrë mafioze, në qytetin e Durrësit.

Nga këqyrja e kamerave të sigurisë është zbuluar se ka qenë një ?Toyota? ngjyrë gri e errët nga ku është qëlluar drejt dy vëllezërve Haxhia, por targa nuk është fiksuar.

Policia ka sekuestruar pamje të kamerave të sigurisë gjatë rrugës, nga ku është zbuluar makina e vëllezërve Haxhia është qëlluar nga dy persona ku janë derdhur dhjetëra plumba kallashnikovi. Sipas BW, makina është bërë shoshë në pjesën para, anën e pasagjerit dhe në anën e pasme.

Grupi hetimor ka bërë me dije se të dy vëllezërit ishin qëlluar në kokë dhe trup, ndërsa ?një ekzekutim i tillë nuk është parë prej shumë kohësh?. Janë shoqëruar rreth 40 persona, dëshmitarë okularë, bashkëpunëtorë biznesi dhe të afërm për të zbuluar konfliktet që mund të kishin.

Vëllezërit Haxhia kanë një pikë Exchange dhe dërgesash të parave, makina me qira dhe shërbim karotreci në Spitallë. Dje ata sapo kishin rihapur edhe aktivitetet e biznesit.

Vrasja ndodhi dje rreth orës 16:40 te tregu i makinave, në qytetin bregdetar, ku vëllezërit Besmir dhe Viktor Haxhia u qëlluan teksa po lëviznin me makinën e tyre tip ?Golf?. Ata janë gjetur të pajetë brenda mjetit të tyre, ndërsa forca të shumta policore, RENEA dhe FNSH po kryejnë kontrolle të imtësishme për identifikimin dhe kapjen e autorëve.





Lajmet e fundit nga