web counter
LEXO PA REKLAMA!

SHKARKO APP

App Store
Google Play

E fundit!

x

Plasin vrasjet/ 6 viktima në 4 orë

27 Prill 2020, 17:35, Kronika CNA

Një bilanc i rëndë vrasjesh është shënuar në 4 orët e fundit të ditës së sotme.

Ngjarja e parë që tronditi qytetarët ka ndodhur rreth orës 15:30 në Stravaj të Prrenjasit ku një i ri është gjetur i pajetë.

Bëhet fjalë për 28-vjeçarin Flori Albrahimi, i cili është konstatuar i vetëvarur në pyllin e Stravajt në Përrenjas, rreth 300 metra larg banesës së dajës së tij, ku kishte shkuar mysafir në fundjavë. Viktima është djali i një çifti që ka biznese në qytetin e Përrenjasit.

Nga ana tjetër rreth orës 16:00 Lezha është vënë nën panik nga disa të shtëna me armë kanë mbetur viktimë 2 përsona.

Ngjarja ndodhi në zonën Lalm i Vjetër të Lezhë. Njëri prej viktimave është rapsodi i njohur Kol Murrani, ndërsa tjetri është identifikuar si Preng Simoni.

Një tjetër vrasje ndodhi rreth orës 17,  te “tregu i makinave” në Durrës. Në një përplasje mes disa personave që dyshohen pjesë e grupeve kriminale, kanë humbur jetën dy persona.

Mësohet se viktimat janë dy vëllezër të cilët janë ekzekutuar me armë zjarri brenda makinës tip “Golf”.

Ndërkohë, rreth orës 17:30 në Elbasan është gjetur i vetëvarur në banesë nga familjarët e tij një biznesmen. Pronari i exchange-t T.Sanço dyshohet se është vetëmbytur me kabullin e antenës së televizorit, të cilin e kishte lidhur në tavanin e tualetit.

Në të gjitha këto ngjarje tronditëse, shkaqet e vrasjeve apo vetëvrasjeve siç dyshohen paraprakisht, janë ende enigmë. Ndonëse u duk se karantina po ulte nivelin e vrasjeve dhe përplasjeve, shihet se vetëm në në pak orë numri i tyre është shumë i lartë. Gjatë ditëve të fundit janë raportuar disa vrasje në Korçë dhe në qytete të tjera të vendit./ CNA.al

E rëndë/ Gjendet i varur një 28-vjeçar

Të shtëna me armë zjarri/ Gjenden të pajetë 2 persona

 

Detaje nga ngjarja me 2 viktima në Lezhë/ Njëri prej tyre është rapsodi i njohur

Shkëmbim zjarri në Durrës/ Humbin jetën dy persona

Vrasja e dyfishtë në Durrës/ Ekzekutohen 2 vëllezër

Gjendet i pajetë një biznesmen në Elbasan





Lajmet e fundit nga