E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

Rama, qejf të jashtëzakonshëm edhe dy muaj

23 Prill 2020, 11:41, Politikë CNA

Gjatë seancës parlamentare që po vijon, deputetja e opozitës, Rudina Hajdari i drejtoi një pyetje ministres së Transportit.

Pyetja kërkonte që të shpjegohej dhe të jepej një ose disa arsye të logjikshme se përse, shqiptarët që po vinin nga jashtë, po grupoheshin në dhoma të njejta me njerëz të tjerë, të panjohur prej tyre më parë, me histori banimi dhe udhëtimi të ndryshme secili nga tjetri.

Rreziku qe paralajmëronte zonja Hajdari është i logjikshëm.

Njerëz me histori të ndryshme, që nuk i përkasin të njëjtës familje, që futen me detyrim të jetojne bashkë dy javë, në të njëjtën dhomë, janë rrezik evident për krijimin e vatrave të infektimit.

Këtë e ka paralajmeruar edhe CNA.al, kur kujtoi se nëse ata shqiptarë të mbërritur të shëndoshë, infektohen gjatë karantinës, këtu dikush po kryen vepër penale.

Pergjigja e ministres të lë pa fjalë:

Në përgjigje për Hajdarin ministrja tha:

“Nëse kërkoni logjikë në gjithë këtë histori, unë nuk e di se çfarë kërkoni në një situatë si kjo që është e gjitha e palogjikshme. Kjo është gjendje e jashtëzakonshme, nuk ka logjikë në këtë që po kalojmë”

Tani sipas logjikës së Ministres, nëse arsyetojme mbi atë që tha, del që ministrja na sqaroi (me logjiken e vet) që gjatë gjendjes së jashtëzakonshme, duke qënë kjo e palogjikshme, askush nuk mund të presë propozime të logjikshme.

Për ata që deri tani nuk e kishin kuptuar, tashmë besojmë që është e qartë.

Nuk ka asnjë logjikë ajo që ndodh në Shqipëri me shqiptarët që po kthehen.

Nëse sot dikush që ka jetuar gjithë kohës në Shqipëri, konstatohet me virus, karantinohet në shtëpi.

Nëse vjen nga jashtë, edhe pa virus, vihet në karantinë te hoteli i Sadriut.

Shpesh jo me familjare, por me njerëz të panjohur në të njëten dhomë 3-she dhe 4-she.

Duke u ekspozuar pa logjikë ndaj virusit që mund të jetë prezent.

Kjo është logjika e ministres.

Por ne si njerez të logjikshem sigurisht që nuk mund të kënaqemi me shpjegimin e palogjikshëm të ministres.

Vendimi i Ramës për të zgjatur me dy muaj gjendjen e jashtëzakonshme, është tejet i logjikshëm. Është logjikë!

Në gjendje të jashtëzakonshme kryeministra si Rama bëjnë qejf të jashtëzakonshëm.

Dhe kjo logjikë shpjegon gjithçka./ CNA.al

Rama “hap” agjensi turistike/ Si po i ndëshkon shqiptarët, për klientelën e Rilindjes