Video-Kush i ka vënë gjobë Erion Veliajt?

23 Prill 2020, 10:01, Politikë CNA

Kryebashkiaku i Tiranës, dje në një dalje publike, gjoja për të përgënjeshtruar lajmin e tenderit të arkivolëve, që sipas tij bëhej çdo vit, ka deklaruar se atij i janë vënë gjoba.

Në një qëndrim të tij, Veliaj ka thënë se ka shumë spekulantë të cilëve iu ka lënë Zotin. Ai i njeh me emër e mbiemër ata dhe kanë vajtur edhe kërkesat për gjoba, por ai ka thënë se nuk paguan gjoba. Është mësuar me goditje të tilla përditë.

Ndihet i fyer nga këta spekulantë, që i quan Erion Veliaj dhe gjithashtu, i quan sulmet shumë të ndyra. Sepse të ashtuquajturit spekulantë e godasin për tendera.

“Për të mos iu rënduar edhe këtë barrë e kemi marrë përsipër. Sigurisht, ka spekulantë të cilëve iu kam lënë zotin. Unë e di kush janë, i njoh me emër me mbiemër. Më vijnë kërkesat e tyre për gjoba, por ju e dini fare mirë që Erion veliaj nuk paguan gjoba. Pra unë jam mësuar për goditje të tilla përditë. Jam personalisht i fyer me këta spekulantë. Unë e kuptoj kur këta godasin për tender, por kjo është një gjë shumë e ndyrë për ta bërë”, është shprehur Erion Veliaj.

Në fakt, është hera e dytë që Veliaj reagon pas përplasjeve të forta që pati disa muaj më parë me dy media.

Por, që atëherë Lali Eri nuk kishte folur në lidhje me gjobat. Edhe herën e parë e kaloi me një deklaratë. Kjo është e dyta mediatike, që vjen nga Erion Veliaj për biznesmenë që atij i vendosin gjoba. Dhe e dyta herë që ai nuk flet me erma konkretë. Për më tepër nuk i denoncon në public.

Pra, pyetja publike që i bëhet Erion Veliaj, është: Kush janë ata që të kanë vendosur gjobë?

A mos vallë Lali Eri me reagimin e tij po ushtron shantazh dhe presion publik ndaj biznesmenëve?

Në rast se ata i kanë vënë gjobë, minimalisht, Veliaj duhet të shkojë tek drejtësia e re, duhet të shkojë tek SPAK dhe t’i denoncojë me emra.

Kush janë njerzit e medias që i vënë gjoba për tendera? Kushdo qoftë nga pronarët e mediave.

Por, cilët janë tenderat? Kush janë subjektet e përfshira në këtë skandal?

Sepse mund të mos jenë të përfshirë direkt vetë ata që po sulmojnë Erion Veliajn, por mund të jenë indirekt, nëpërmjet personave të tretë.

Pra, kryebashkiaku ka për detyrë të na thotë edhe emrat e subjekteve dhe tenderat përkatës. Kjo do të sqaronte një herë e mirë opinionin publik.

Nuk mundet që Lali Eri ta shtyjë, duke thënë se gjobaxhinjtë, gjobaxhinjtë.

Sepse duke kopjuar versionin e Edi Ramës, “kazani, kazani”, nuk zgjidh asgjë.

Zgjidhja bëhet me emra. Kush janë gjobaxhinjtë që shkojnë tek Erion Veliaj?

Dhe gjithashtu duhet të na thotë tenderat dhe subjektet e përfshira.

Nuk mundet Erion Veliaj ta kalojë me deklarata publike. Por, ai duhet të shkojë para institucioneve të drejtësisë. E në qoftë se do të flasë publikisht, duhet t’i thotë me emra. Në të kundërt thjeshtë dhe vetëm është spekulant dhe abuziv ai dhe jo ata që shkojnë dhe i vënë gjoba./ CNA.al