Pse janë mërzitur demokratët me Ilir Metën?!

23 Prill 2020, 08:55, Politikë CNA

Po të hapesh rrjetet sociale dje dhe sot sheh një mori sharjesh dhe akuzash për tradheti e pabesi ndaj presidentit Ilir Meta për faktin se dekretoi ndryshimet e mazhorancës në Kodin Penal.

Çudi e madhe me shqiptarët. Në fakt, kushtet në të cilat ndodhet vendi por dhe gjithe globi, qendrimi i presidentit Meta mund të quhet korrekt dhe i përgjegjshëm. Po pse janë mërzitur demokratet dhe njerëzit me presidentin pra?

Ilir Meta me levizjet e fundit thjesht u kishte rritur njerëzve pritshmeritë, ishte shfaqur si dashnor i Kushtetutës, i të drejtës, i mbrojtjës së të drejtave të qytetarëve etj. Por Ilir Meta është ai që ka qenë gjithmonë, asnjë ndryshim, ndaj nuk ka arsye pse njerëzit të zhgënjehen. Demokratët në radhë të parë duhet t?i kthejnë sytë nga vetja, duhet t?i kërkojnë llogari opozitës dhe kryetarit të saj.

Nëse opozita nuk do kishte djegur mandatet dhe sot do të ishte në parlament ndryshimet në Kodin Penal nuk do të kalonin dot (ndryshimet në Kod kanë nevojë për 3/5 e votave). Ndaj edhe sikur Rama gjendjen e fatkeqësise natyrore ta shtynte jo me dy muaj (deri në 23 qershor ndërkohë ligji e kërkon ta shtyjë max 30 dite), por edhe sikur 6 muaj apo dhe më shumë, pa ndryshimet që bëri në Kod Penal si burgosje etj, s?do kishte asnjë problem për qytetaret. Kontrolli se si një qeveri apo mazhorancë respekton ligjin bëhet në Parlament jo në Facebook.

Demokratët duhet të ishin aty, në parlament, brenda institucionit për tu përballur me mazhornacën. Teoria e tyre se shumica sillet e bën ç?të dojë dhe se vota e tyre s?ka vlerë, ndaj po ikim fare se s?kemi ç? bëjmë aty, është sa e turpshme, e papërgjegjshme dhe cinike. Një shumicë quhet shumicë pikërisht se ka shumicën në parlament, ndryshe do të quhej pakice. Edhe sikur vota e tyre të mos kishte vlerë, të paktën debatin do e bënin aty, në parlament, sy me sy me mazhornacën, jo me statuse Facebook-u.

Demokratet në radhë të parë duhet t?i kërkojne llogari kryetarit të opozitës, i cili ka gjashtë muaj, që pas tërmetit, që shfaqet ekraneve dhe thotë ?une s?dua të bëëj politikë, nuk është ky momenti?. Po mireë, çfarë e di veten Lulzim Basha? Myfti? Apo mos i duket vetja si Pëllumb Pipero dhe del e jep këshilla? Një politikan sigurisht, që sa herë del dhe flet, bën politikë. Ndërkohe Lulzim Basha vetë do të dalë si opozitar model, i përgjegjshëm, nga ana tjetër nxjerr të bëjnë akuza dhe të flasin politikisht ca çupëlina në PD, pa peshë politike, njerëz si Gazmend Bardhi me shokë. A thua se e ha njeri këtë lloj strategjie.

Demokratëve nuk ua ka fajin Ilir Meta, i cili nga një njeri i urryer pas 2013 u kthye se fundmi në hero i tyre dhe tani u bë sërish i urryer. Demokratët duhet të shohin nga vetja mos ta kërkojnë fajin te të tjerët. Të lenë protestat me statuse Facebook-u e të dalin e tu kërkojnë llogari lidershipit të tyre, i cili me politikat e ndjekura deri tani dhe dështimet e njëpasnjëshme ka krijuar një vakum të madh besimi tek populli opozitar dhe jo vetëm. Ndaj mos u merzisni me Liken, Likja është ai që ka qenë gjithmonë, të keqen e keni brenda! Pa zgjidhur problemin brenda jush do kërkoni gjithmonë shpëtimtarë e fajtorë nga jashtë!/CNA.al