web counter
LEXO PA REKLAMA!

SHKARKO APP

App Store
Google Play

"Dashuria" me Ramën në kohën e pandemisë/ Flet Meta: Nuk është situata për të parë mangësitë

22 Prill 2020, 21:01, Politikë CNA

Presidenti Ilir Meta është pyetur drejtëpërdrejtë mbrëmjen e sotme për marrëdhënien me kryeministrin Edi Rama që është përfolur si një “dashuri” në kohën e pandemisë.

Gjatë një lidhje me emisionin “Opinion”, Kreu i Shtetit tha se nuk e shikon kështu marrëdhënien, ndërsa theksoi se nuk është situata e duhur për të vënë theksin te mangësitë.

“Unë nuk doja të flisja për dashuri në kohën e pandemisë. Këtu do flisja për një qëndrim të përgjegjshëm si president në këtë situatë. Edhe vërejtjet e mia mendoj se i kam bërë në masën e duhur publike dhe jo publike. Nëse diskush mendon se unë në këtë situatë duhet të vë theksin te mangësitë, nuk mendoj se kjo është rrruga më e mirë për të adresuar problemet”, u shpreh presidenti, ndërsa foli edhe për deklaratën e tij të mëparshme se qeveria ka kapur çdo institucion përveç atij të Presidencës.

“Unë mendoj se kjo tashmë nuk është diçka që mund të rishikohet, në kuptim se asaj që është një qëndrim i konsoliduar prej kohës. Ajo që është e rëndësishme është të kemi një rol të pavarur të komitetit teknik të ekspertëve, se kjo do ta rriste shuëm konsensusin shoqëror”, vijoi më tej ai.

Teksa u pyet nëse do ta vijojë aksionin që kishte nisur para shpërthimit të pandemisë pasi të mposhtet koronavirusi, Meta theksoi se ai do jetë në mbrojtje të Kushtetutës.

“Aksioni im ka qenë, është dhe do të jetë në mbrojtje të Kushtetutës. Besoj se këtu nuk ka asnjë diskutim”, nënvizoi Kreu i Shtetit./ CNA.al





Lajmet e fundit nga