Deklarata e Ngjelës/ "Nëse Rama nuk zbaton skemën e epidemologëve dhe ka pasoja drastike, shkon në burg"

22 Prill 2020, 18:29, Politikë CNA

Avokati Spartak Ngjela ka bërë një deklaratë të fortë lidhur me masat e qeverisë, për të cilat pretendon se është naivitet të mendohet se masat i ka marrë kryeministri Edi Rama.

Ngjela tha se nëse Rama nuk i zbaton masat e propozuara nga ekipi i epidemiologëve, kryeministri shkon në burg po pati pasoja drastike.

“Nëse ekipi i epidemologëve i jep një skemë dhe kryeministri nuk e zbaton dhe plaset një pasojë drastike, kryeministri shkon në burg, e dini ligjin? E shikoni çfarë po bën Trump, është presidenti i Amerikës, jo i një vendi afrikan, vetëm se është i vonuar në masat i është sulur Kinës se e ka fshehur dhe ka të drejtë. E tregova këtë për shembull nëse një kryeministër nuk pranon masat e vendosura nga ekipi mjekësor. Rama këtë e di, këta që akuzojnë nuk dinë asgjë. Nëse ata ia kanë dhënë është shenjë pozitive, nuk ma ha mendja se Rama ka folur me mendjen e vet. Ai ka akspertë, janë dy aspekte që kanë efekte, epidemia dhe kriza ekonomike që ka të bëjë me urinë dhe varfërinë ekstreme.

Konstatova se i dha dorë tregut, ky shtet nuk ka para, cila është arsyeja, është çështje analize, se qeveri që nuk ka rezervë nuk ka në botë. Ekonomia kërkon para, tregu është i bllokuar, ose duhet të bëjë para me politikë ose të hapi tregun. Të parën nuk e bën dot, duhet të hedhë para në treg, se është dobësuar edhe puna edhe kapitali, njëri shkon në uri tjetri në faliment. Të dhënat e menaxhimit janë të mira deri tani. Fakti që kemi zbutje mendoj se është një gjë e mirë?, u shpreh ai në një lidhje me Fax Neës.

Avokati kritikoi kryeministrin se nuk i ka marrë masat shpejt, pasi thotë se nuk duhet të ishte lejuar qarkullimi i individëve Shqipëri-Itali, ndërsa nuk pranoi t’i vërë atij një notë.

?Unë nota nuk vë, por unë kam tjetër logjikë. Në një fenomen lufte siç është ky unë mar parametrat, cilat janë parametrat e shtetit, sa janë për pupollin, sa janë të infektuar, sa të shtruar dhe sa të shëruar?, theksoi Ngjela./ CNA.al