web counter
LEXO PA REKLAMA!

SHKARKO APP

Et'hem Ruka: Piku ka kaluar në mënyrë indirekte

20 Prill 2020, 21:33, Lifestyle CNA

Biologu Et?hem Ruka deklaroi se është e vështirë të thuhet se Shqipëria po i përmbahet asaj kurbës klasike që ka një fillim, një kulm dhe një rënie.

Duke iu referuar shifrave zyrtare që nga rasti i parë, Ruka tha se ende nuk ka parë pikun e rasteve në vend, por sipas tij, piku është kaluar në mënyrë indirekte

“Ka një grafik që është shumë i dhëmbëzuar. 4 pika kulmonte ku ka pasur nga mbi 20 të infektuar. Për mua, nëse do të niseshim nga numri i të infektuar unë nuk kam parë ndonjë pik. Për mua kur kemi 50% të shëruar e konsideroj kalim të pikut në mënyrë indirekte. Për mua ky është një tregues domethënës?, u shpreh ai në një lidhje me Euro News.

Biologu theksoi më tej se ne kemi 56% të shëruar për faktin se spitalet tona nuk kanë qenë të mbingarkuara. Ndërsa për lehtësimin e masave, profesori deklaroi se hapja graduale është gjë e mirë, por nënvizoi se kjo nuk do të thotë se do të fillojmë stilin e jetesës që kemi pasur para kësaj pandemie./ CNA.al





Lajmet e fundit nga