E fundit!

15:00 Opinione Muharrem Meko

Leksion për "pelikanët"/ Kur Berisha dhe Rama do të iknin vetë

Prej 53 ditësh, Pelikanët e "ngulur", mbi shkopinjtë e dru...

Nëse të riatdhesuarit infektohen gjatë karantinës, dikush në Shqipëri po bën vepër penale

20 Prill 2020, 10:08, Lifestyle CNA

Atyre shqiptarëve që po vijnë nga Italia, u është bërë testi dhe skaneri në aeroportet në Itali. Me pas lejohen të udhëtojne drejt Shqipërisë, vetëm ata që dalin në rregull.

Por çfarë konkluzioni del nga kjo?

Kjo do të thotë që shqiptarët, që nisen nga banesat ku ishin strehuar, drejt Romes dhe/ose Milanos, arrijnë në këto aeroporte drejtpërdrejt nga karantina sepse Itali të gjithë janë të karantinuar. Në aeroportet Italiane u bëhen analizat nga të cilat dalin negativ.

Kjo do të thotë që gjatë udhëtimit ata shqiptarë, rrinë bashkë me të tjerë si ata që rezultojne te painfektuar. Pra nëse do përdornim frazat poetike të ministres së linjës, infektimi nuk mund të ndodhi gjatë udhëtimit në lartësitë e fluturimit të Lasgushit.

Por çfarë ndodh më pas?

Sapo zbresin në Rinas fillon kaosi. Njerëz të lodhur, me stresin e kaluar nga ngecja në një vend të huaj për më shumë se 1 muaj, në hotelë të prenotuara në tym, e të cilave ju dinë vetëm emrin, në pritje të surprizave të radhës.

Skema e Ramës, është shpikur nga Rama dhe ka për qëllim dërgimin e tyre si në kamp përqendrimi tek ca “hotele” të përzgjedhura nga Rama.
Por në funksion të dërgimit në hotelet-kamp, të gjithë po i nënshtrohen rrëmujës, pisllekut, mungesës së dezinfektimit, grupimit, kontaktit me të tjerë njerëz të ndryshëm nga grupi më të cilin udhëtuan deri në Rinas.

Në funksion të dërgimit në hotelet-kampe të gjithë praktikisht, po i nënshtrohen rrezkut të infektimit.
Asnjë organizim i autobuzeve në vartësi të hotelit.
Asnjë masë paraprake për listat e te mbërriturve sipas destinacionit të “prenotuar” paraprakisht.
Pasi mbërrijnë në hollet e hoteleve, ulen ku të munden, megjithëse duhet të rrinë në këmbë, sepse dihet që ulja nëper vende ku janë ulur të tjerë përben rrezik për infektim.

Këtë e di edhe Rama se besojme nuk i porositi kot pensionistet që mos ulen nëpër stolat e parqeve.
Por ata që po mbërrijnë në hollet e hoteleve, duhet të presin me orë për të gjetur dhomat, idiotët që janë gjendur në rolin e menaxhimit të hoteleve të veta.
Për rreth 3 orë, të gjithë i nënshtrohen situatave që përbëjnë risk të lartë infektimi.

Asnjë nuk e kupton dot se pse të gjithë duhet të presin në tufë, në hyrjet e hoteleve, për të firmosur dokumentat e karantinës!?
Nuk u cohet dot nëpër dhoma për t?i firmosur, (pasi të mbledhin kockat themi ne nga Korça)?? Pse duhet përpara se të hyjnë nëpër dhoma?? Cili është opsioni tjetër?
Po nuk pranuan ta firmosin cfarë ndodh?? Do i kthejnë në Itali?? Ka idiot që e shpjegon dot të paktën këtë!?
Sidoqofte, konkluzioni është i thjeshtë:
Nëse nga Roma dhe Milano jane nisur TË PAINFEKTUAR, atëherë nëse brenda 14 ditëve shfaqin shenjat e sëmundjes, do të thotë që janë infektuar nga Rama. Qëllimisht! Dhe infektimi i qëllimshem sot është vepër penale. Rama na bindi për këtë! Bindi edhe Presidentin qe i dha afrofe, formulimet e “sakta” të dispozitave penale. Ato dispozita u shkruan me konsensus të gjerë. Meritojnë të zbatohen./CNA.al