web counter
LEXO PA REKLAMA!

SHKARKO APP

App Store
Google Play

E fundit!

x

A do shkojmë këtë vit në plazh?/ Rakacolli: Është ulur numri i të shtruarve, do isha e lumtur...

19 Prill 2020, 11:37, Lifestyle CNA

Zëvendësministrja e Shëndetësisë, Mira Rakacolli, ka treguar sot se situata e pandemisë në sistemin shëndetësor vazhdon të jetë nën kontroll.

Rakacolli thekson se pozitiv është fakti që numri i të shtruarve në spital nuk është i lartë dhe të infektuarit nuk janë në gjendje të rëndë shëndetësore.

“Numrat nuk kanë qenë jashtë shifrave që na kanë bërë të mendojmë se do jemi në një situatë me numër të lartë të sëmurësh. Pavarësisht luhatjeve të vogla në numër, janë po aty njësoj, situata vazhdon të mbetet mjaft e kontrolluar. Pozitive është ulja e numrit të të shtruarve në spitale, me këtë fillon të matet graviteti. Kryesorja është që shumica e të sëmurëve nuk janë në gjendje të rëndë. Në repartin e kujdesit intensiv është një numër i vogël. Shenjat e mira të dominimit të epidemisë janë numrat e të sëmurëve që kanë nevojë për kujdes shëndetësor”, tha zv.ministrja në një lidhje me Report Tv.

Teksa u pyet nëse do të mund të shkojmë këtë vit në plazh, ajo deklaroi se nuk mund të bëjë parashikime të tilla, por nënvizoi se do donte shumë.

“Do isha shumë e lumtur të isha në gjendje unë të bëja të tilla parashikime në kohë. E uroj me gjithë shpirt të ndodhë dhe shpresoj që ky urim në ditë Pashke të bëhet realitet”, u shpreh Rakacolli./ CNA.al





Lajmet e fundit nga