E fundit!

16:01 Aktualitet

Deklarata skandaloze e ministres serbe/ PD: Të shpallet non grata dhe të paditet për nxitje të genocidit

Partia Demokratike ka reaguar lidhur me deklaratën e minis...

Beteja për ekzistencë/ Plas sherri Ilir Meta-Fahri Balliu

12 Prill 2020, 08:48, Satire CNA

Një e papritur ka ndodhur menjëherë sapo Presideni Iir Meta po vizitonte Shkodrën, një ngjarje mjaft ?e frikshme?, por e mbajtur në heshtje dhe në diskrecion të plotë.

Mësohet se Presidenti i Republikës, Ilir Meta ka pasur një telefonatë mjaft të ashpër dhe me tensione me mikun e tij të ngushtë Fahri Balliu. Ky i fundit, pas një muaji betejë ka vendosur të përplaset me presidentin. Betejën e ka pasur me të gjithë qenien e tij, me ekzistencën e tij, ka një muaj që plasi të hajë paçen e ditës.

Zakonisht ai ha nga dy ose tre paçe në ditë, i pëlqen më shumë plënci të cilën e quan korminë por thonë që nuk i ndahet dhe paçes së këmbës sidomos kur është e përzier me pak kokë.

Së fundi, Fahriu ka negociuar për gati 2 javë me pronarë të ndryshëm restorantesh që ta hapin lokalin e tyre sa të hajë një paçe dhe ai pastaj do i shpërblejë sa ata të kërkojnë. Por, asnjë nga restorantet e paçeve në Tiranë nuk ka pranuar që ta gatuajë për Fahriun.

E kështu i lodhur dhe i drobitur, Fahriu në përplasje të fuqishme sa me kuzhinierë aq me policinë për të gjetur zgjidhje, më në fund telefonoi i nervozuar presidentin Ilir Meta.

Fahriu i kërkoi Metës që të ndërhynte me dekret të veçantë dhe të shpallte ?gjendjen e emergjencës së paçës?. Duhej që presidenti të ndërhynte tek Rama dhe duhej të zgjidhej menjëherë kjo situatë, të merreshin masa, të furnizoheshin mëngjezoret, të hapeshin të hante populli një paçe pastaj Edi Rama të fillonte sërish karantinën.

Zoti Meta nuk e ka pranuar këtë propozim të Fahriut dhe i ka ofruar që të shkojë tek Gjiri i Lalzit të hajë ndonjë peshk apo ngjalë si ato që ka ngrënë Edi Rama.

Kështu ndoshta do t?i bënte mirë, dhe si ish komunist dhe i akuzuar si bashkëpunëtori i Sigurimit të Shtetit, sot antikomunist, do ndihej edhe më i lumtur pas disa kohësh. Por situata vazhdon të jetë ende pa zgjidhje!

Fahriu kërkon paçen e tij kurse Ilir Meta është i vendosur që të mbështesë kryeministrin Rama në hapat e marra në situatën e emergjencës.

Mësohet se me zgjatjen e re të orareve, presidenti mund t?i kërkojë kryeministrit që të tolerojë hapjen e paçeve në Tiranë dhe ato mund të shërbejnë me tasa online. Pra kështu mund t?i jepnim Fahri Balliut mundësinë të hante paçen e tij të kaqdëshiruar./CNA.al