web counter
LEXO PA REKLAMA!

SHKARKO APP

App Store
Google Play

E fundit!

x

Tërmeti në Korçë/ Arbeni merr malet, përfundon tek çobani

8 Prill 2020, 10:04, Satire CNA

Një tërmet ka goditur Korçën mëngjesin e sotëm, me epiqendër fushën e këtij qyteti, por është ndier shumë edhe në zonat turistike përreth, në Voskopojë, Dardhë, Pogradec, dhe Prespë.

Qytetarët janë trembur. Shumë prej tyre kanë dalë jashtë, por më pas situata është qetësuar. Lëkundjet nuk kanë qënë shumë të forta, por në disa zona paniku ka qënë i madh.

Banorët e Dardhës thonë se turisti Arben, i cili prej disa javësh është ngujuar në sarajet e tij, nga frika e tërmetit kishte marrë mallet. Kishte lënë ç?kishte atje dhe ishte ngjitur sipër monopatit, nga frika e tërmetit. Në majë të malit, thoshte ai me vete, tërmeti nuk më zë.

Atje shkoi dhe pa një stan të vogël të një bariu, i cili kishte mbledhur dhënte, por edhe ai ishte zgjuar nga tërmeti, pasi kafshët e shkreta diçka kishin ndier. Por më shumë sesa kafshët termeti kishte trembur, zverdhur e llahtarisur Arbenin e shkretë. Ai rrugës kishte menduar shumë gjëra.

Kishte menduar kur kishte qënë udhëheqës i madh, kishte menduar kur kishte qënë kryetar partie, kishte menduar si fitonte miliona e miliona, si blinte biznese, si vendoste qindra miliona nëpër banka, si udhëtonte në Hollandë me pronarët e inceneratorëve dhe bëhej ortaku i tyre.

Si shkonte në Bullgari dhe firmoste biznese me aksione. Si bëhej menaxher i një televizioni. E rrugës duke menduar për mallet, kodrat e fushat e ulëta të Hollandës, ku kishte kaluar shpesh herë me miqtë e tij të ngushtë ai pa çobanin dhe në sytë e tij u duk një dritë shprese.

Çobani i shkretë u ndie keq, për të vetmuarin Arben që kishte marrë monopatin nga frika, dhe e pyeti a dontë të qëndronte pranë tij.

Arbeni nuk e bëri fjalën dysh, shkoi u fut nën gunën e çobanit, e shtrëngoi atë fort dhe diçka e ngrohtë e pushtoi thellë thellë.

Arbenin e zuri gjumi në krahët e çobanit, se çfarë ndodhi më pas askush nuk tregon asgjë.

Dihet vetëm që Arbeni nuk është kthyer në shtëpi./ CNA.al





Lajmet e fundit nga