web counter
LEXO PA REKLAMA!

SHKARKO APP

App Store
Google Play

E fundit!

x

Shpresë për betejen me Covid-19/ Fillojnë provat klinike të një vaksine të dytë në SHBA

9 Prill 2020, 08:13, Kosova & Bota CNA

Ndërsa pothuajse gjithë bota po përballet me një situatë të vështirë, pasi koronavirusi vijon të përhapet në mënyrë të frikshme, një lajm shprese vjen nga SHBA.

Studiuesit amerikanë kanë nisur një tjetër provë të një vaksine eksperimentale kundër Covid-19, duke përdorur injeksion në lëkurë dhe jo si zakonisht në muskul.

Një prej personave që iu nënshtrua testit në Kansas City, të shtetit Mizuri, të mërkurën, tha se ai ishte shumë i lehtë, njësoj si testet e injeksioneve për alergji.

Dr. John Ervin, nga Qendra për Kërkime Farmaceutike është shprehur për agjencinë Associated Press, se kjo ?Është prova më e rëndësishme që kemi bërë ndonjëherë. Njerëzit po mbajnë radhën për të qënë pjesë e kësaj prove?.

Eksperimenti, që përdor një vaksinë të prodhuar nga Inovio Pharmaceuticals, është pjesë e një përpjekje globale për të gjetur mbrojtjen aq shumë të nevojshme kundër një virusi që ka marrë mijëra jetë njerëzore në botë dhe po i sjell dëme të mëdha ekonomike./ CNA.al





Lajmet e fundit nga