“Testim masiv për të fituar mbi virusin”/ PD: Numri i ulët fsheh të vërtetën

6 Prill 2020, 13:20, Sociale CNA

Partia Demokratike vijon të theksojë se e vetmja mnyrë për të fituar mbi virusin ëstë testimi masiv.

Shefi departamentit të Shëndetësisë në PD, Gazmen Koduzi, thotë se numri i ulët i testimeve fsheh të vërtetën për nivelin real të përhapjes së virusit.

Sipas tij, 3 javë pas identifikimit të rastit të parë me COVID 19, është provuar statistikisht se sa më shumë testime bëhen, aq më shumë rritet zbulimi i personave të infektuar.

Ai thekson se masat e distancimit social janë të domosdoshme për të ngadalësuar përhapjen, por vlera e mbylljes në shtëpi bie, nëse nuk e dimë se kush është i infektuar.

?Numri i ulët i testimeve fsheh të vërtetën dhe kushton jetë! Në mënyrë të përsëritur, Partia Demokratike i ka kërkuar qeverisë t?u shpjegojë shqiptarëve:
o Pse vazhdon të mbajë të ulët numrin e testimeve?
o Pse ne e dimë sa testime dhe pajisje të tjera testuese ka Kosova, Maqedonia e Veriut apo Serbia dhe nuk e dimë çfarë kapaciteti ka Shqipëria për të testuar qytetarët e saj?
o Pse në Shqipëri qeveria e ka përqendruar analizën për virusin vetëm tek një laborator i kontrolluar prej saj? Refuzimi i qeverisë për të bërë transparencë, për të informuar qytetarët shqiptarë dhe për të rritur numrin e testimeve lë vend vetëm për dy alternativa:
ose qeveria nuk u përgatit për të marrë teste, që kur ne e paralajmëruar gati dy muaj më parë,
ose numri i ulët i testimeve është strategji e saj për të fshehur gjendjen reale të përhapjes së virusit.
Nëse e para është paaftësi, e dyta është një akt kriminal dhe i dënueshëm, që vë mbi të gjitha interesin politik të kryeministrit dhe jo interesin publik të qytetarëve
Me keqardhje, edhe si mjek në kontakt të vazhdueshëm me kolegët e mi, më duhet të pohoj se kemi humbur shumë kohë duke e mbajtur në minimum numrin e testimeve?, u shpreh Koduzi në një deklaratë për mediat./CNA.al