web counter
LEXO PA REKLAMA!

SHKARKO APP

App Store
Google Play

E fundit!

x

Situata kritike nga Covid-19 në Shkodër/ Meta telefonon Ademin dhe Manastirliun

6 Prill 2020, 12:04, Sociale CNA

Presidenti Ilir Meta nisur nga përkeqësimi i treguesve të përhapjes së pandemisë COVID19 në Bashkinë dhe Qarkun e Shkodrës, ka zhvilluar sot biseda telefonike me Prefektin e Qarkut, Çesk Millja dhe Kryetaren e BashkisëVoltana Ademi.

Meta bën me dije se u informua prej tyre për situatën dhe përpjekjet e autoriteteve vendore për të ndihmuar banorët e prekur dhe masat e marra për të parandaluar përkeqësimin e mëtejshëm të situatës.

?Duke u shprehur solidaritetin dhe mbështetjen time për të gjithë banorët e Qarkut Shkodër të prekur nga #COVID19, të cilëve ju uroj shërim të shpejtë, theksova domosdoshmërinë e rritjes së efikasitetit të masave që duhen marrë për mbrojtjen e shëndetit të çdo qytetari?, shkruan Meta.

Për situatën në Bashkinë dhe Qarkun e Shkodrës, ai bën me dije se zhvilloi edhe një bisedë telefonike me ministren e Shëndetësisë, Ogerta Manastirliu.
?Theksova rëndësinë e forcimit të mëtejshëm të bashkëpunimit midis autoriteteve qendrore dhe vendore, me qëllim izolimin e përhapjes së mëtejshme të këtyre rasteve dhe ndërgjegjësimin e qytetarëve për respektimin e të gjitha udhëzimeve dhe kufizimeve të bëra publike për shkak të pandemisë globale #COVID19?, shkruan Meta.

Sipas tij, bashkëpunimi më i ngushtë midis qytetarëve dhe institucioneve është garanci kryesore për përballimin sa më efikas të kësaj pandemie.

?Duke theksuar se shëndeti i çdo qytetari është prioriteti ynë absolut, dhe se në këtë situatë kërkohet përgjegjshmëri maksimale, bashkëpunim, profesionalizëm, përkushtim dhe transparencë, i ftoj edhe njëherë të gjithë qytetarët, në veçanti të Qarkut Shkodër, të respektojnë me përpikmëri protokollet shëndetësore, këshillat e stafeve të specializuara mjekësore, të ndjekin dhe të zbatojnë vetëm sugjerimet e institucioneve shtetërore?, përfundon Meta./CNA.al





Lajmet e fundit nga